| e-texts navigator |
| Wylie |
308b1 ས་ལ་བཙུགས་ཏེ། དེའི་སྣ་ཡང་རིང་པོར་གྱུར་ནས། ལག་པས་འགྲོ་ཞིང་། ལག་པས་འོང་བས་མིང་གླང་པོ་ཆེ་གླང་པོ་ཆེ་ཞེས་བྱ་བར་གྱུར་ཏེ། རྒྱུ་དེས་ན་གླང་པོ་ཆེ་རྣམས་ཞེས་བྱའོ།། ཅིའི་ཕྱིར་རྟ་ཞེས
308b2 བྱ་ཞེ་ན། སྨྲས་པ། སེམས་ཅན་ལས་ཤིན་ཏུ་གནག་པ་དང་ལྡན་པ་ཞིག་འོད་གསལ་གྱི་ལྷའི་རིས་ནས་ཤི་འཕོས་ནས། འཇིག་རྟེན་གྱི་ཁམས་འདིར་མི་རྣམས་དང་སྐལ་བ་མཉམ་པར་བསྐལ་པ་དང་པོའི
308b3 མི་རྣམས་ཀྱི་ནང་དུ་སྐྱེས་ཏེ། དེ་འདིར་སྐྱེས་ནས་དགོན་པའི་གནས་སུ་རྒྱུ་བར་གྱུར་ཏོ།། དེ་ནས་སེམས་ཅན་དེ་དག་གིས་མཐོང་ནས། འདི་སྐད་དུ་ཀྱེ་སུའི་ཞེས་བྱས་པ་དང་། སྨྲས་པ། ཀྱེ་འདི་ནི་སུའི
308b4 ཡང་མ་ཡིན་ནོ་ཞེས་ཟེར་ནས། མིང་རྟརྟ་ཞེས་བྱ་བར་གྱུར་ཏེ། རྒྱུ་དེས་ན་རྟ་རྣམས་ཞེས་བྱའོ།། ཅིའི་ཕྱིར་རྔ་མོ་ཞེས་བྱ་ཞེ་ན། སྨྲས་པ། སེམས་ཅན་ལས་ཤིན་ཏུ་གནག་པ་དང་ལྡན་པ་ཞིག་འོདགསཔ
308b5 ཀྱི་ལྷའི་རིས་ནས་ཤི་འཕོས་ནས། འཇིག་རྟེན་གྱི་ཁམས་འདིར་མི་རྣམས་དང་སྐལ་བ་མཉམ་པར་བསྐལ་པ་དང་པོའི་མི་རྣམས་ཀྱི་ནང་དུ་སྐྱེས་ཏེ། དེ་འདིར་སྐྱེས་ནས་མཆུ་གཉིས་འཕྱང་ལ་མགྲིན་པའང
308b6 གྱེ་གུ་ཅན་དུ་གྱུར་ནས། དེ་དག་འདི་སྐད་དུ་མཆུ་གཉིས་འཕྱང་ངོ་།། མཆུ་གཉིས་འཕྱང་ངོ་ཞེས་ཟེར་ནས། དེ་དག་གིས་དེའི་མིང་རྔ་མོ་ཞེས་བཏགས་ཏེ། རྒྱུ་དེས་ན་རྔ་མོ་རྣམས་ཞེས་བྱའོ།། ཅིའི་ཕྱིར་བ
308b7 ལང་ཞེས་བྱ་ཞེ་ན། སྨྲས་པ། སེམས་ཅན་ལས་ཤིན་ཏུ་གནག་པ་དང་ལྡན་པ་ཞིག་འོད་གསལ་གྱི་ལྷའི་རིས་ནས་ཤི་འཕོས་ནས། འཇིག་རྟེན་གྱི་ཁམས་འདིར་མི་རྣམས་དང་སྐལ་བ་མཉམ་པར་བསྐལ
iiif viewer powered by OpenSeadragon
