| e-texts navigator |
| Wylie |
308a1 བཅོ་ལྔ་པའོ། ། སྡོམ་ནི། དུད་འགྲོ་སྦྲུལ་དང་གླང་པོ་རྟ།། རྔ་མོ་བ་ལང་ཕྱུགས་དང་གླང་།། རྭ་དང་འཇམ་དང་དྲག་པ་དང་།། ཆུ་གནས་བཀྲེན་པ་ཚོགས
308a2 ཀྱི་སྡོམ། ། ཅིའི་ཕྱིར་དུད་འགྲོ་ཞེས་བྱ་ཞེ་ན། སྨྲས་པ། སེམས་ཅན་ལས་ཤིན་ཏུ་གནག་པ་དང་ལྡན་པ་ཞིག་འོད་གསལ་གྱི་ལྷའི་རིས་ནས་ཤི་འཕོས་ནས། འཇིག་རྟེན་གྱི་ཁམས་འདིར་མི་རྣམས་དང་སྐལ
308a3 བ་མཉམ་པར་བསྐལ་པ་དང་པོའི་མི་རྣམས་ཀྱི་ནང་དུ་སྐྱེས་ཏེ། དེ་འདིར་སྐྱེས་ནས་དེས་ལག་པ་གཉིས་ས་ལ་བཙུགས་ཏེ་དུད་དེ་འགྲོ་བ་ལས་མིང་དུད་འགྲོ་དུད་འགྲོ་ཞེས་བྱ་བར་གྱུར་ཏེ། རྒྱུ་དེས་ན་དུད་འགྲོ་རྣམས་ཞེས
308a4 བྱའོ། ། ཅིའི་ཕྱིར་སྦྲུལ་ཞེས་བྱ་ཞེ་ན། སྨྲས་པ། སེམས་ཅན་ལས་ཤིན་ཏུ་གནག་པ་དང་ལྡན་པ་ཞིག་འོད་གསལ་གྱི་ལྷའི་རིས་ནས་ཤི་འཕོས་ནས། འཇིག་རྟེན་གྱི་ཁམས་འདིར་མི་རྣམས་དང་སྐལ་བ་མཉམ
308a5 པར་བསྐལ་པ་དང་པོའི་མི་རྣམས་ཀྱི་ནང་དུ་སྐྱེས་ཏེ། དེ་འདིར་སྐྱེས་ནས་རྐང་པ་གཉིས་དང་ལག་པ་གཉིས་མེད་པར་གྱུར་ཏེ། དེ་ལྟོས་འཕྱེ་བར་གྱུར་པས་ན། དེ་དག་ལ་འདི་སྐད་དུ་སེམས་ཅན་འདི་ལྟོས་འཕྱེའོ།།
308a6 སེམས་ཅན་འདི་ལྟོས་འཕྱེའོ་ཞེས་ཟེར་ནས། མིང་ལྟོ་འཕྱེ་ལྟོ་འཕྱེ་ཞེས་བྱ་བར་གྱུར་ཏེ། རྒྱུ་དེས་ན་སྦྲུལ་ཞེས་བྱའོ།། ཅིའི་ཕྱིར་གླང་པོ་ཆེ་ཞེས་བྱ་ཞེ་ན། སྨྲས་པ། སེམས་ཅན་ལས་ཤིན་ཏུ་གནག་པ་དང
308a7 ལྡན་པ་ཞིག་འོད་གསལ་གྱི་ལྷའི་རིས་ནས་ཤི་འཕོས་ནས། འཇིག་རྟེན་གྱི་ཁམས་འདིར་མི་རྣམས་དང་སྐལ་བ་མཉམ་པར་བསྐལ་པ་དང་པོའི་མི་རྣམས་ཀྱི་ནང་དུ་སྐྱེས་ཏེ། དེ་འདིར་སྐྱེས་ནས་དེ་ལག་པ་གཉི
iiif viewer powered by OpenSeadragon
