| e-texts navigator |
| Wylie |
307a1 ནུ་ཞེས་བྱའོ། ། ཅིའི་ཕྱིར་སྲིང་མོ་ཞེས་བྱ་ཞེ་ན། སྨྲས་པ། རིགས་ལས་བཀུར་སྟིར་བྱ་བ་དང་། བླ་མར་བྱ་བ་དང་། རི་མོར་བྱ་བ་དང་། མཆོད་པར་བྱ་བ་དང་། རིམ་གྲོར་བྱ་བའི་སྐལ་བ་དབང
307a2 བས་ན། དེའི་ཕྱིར་སྲིང་མོ་ཞེས་བྱའོ།། ཅིའི་ཕྱིར་མ་ལས་འོ་མ་འབྱུང་ལ། ཕ་ལས་མི་འབྱུང་ཞེ་ན། སྨྲས་པ། མའི་མངལ་ནས་སྐྱེ་བ་དང་འབྲེལ་པར་གྱུར་གྱི། ཕ་དང་འབྲེལ་པ་མེད་པའི་ཕྱིར་རོ།།
307a3 གཞན་ཡང་ཆེས་ལྷག་པར་མ་བུ་ལ་བྱམས་ཀྱི། ཕ་ནི་དེ་ལྟར་མ་ཡིན་ཏེ། རྒྱུ་དེས་ན་མ་ལས་འོ་མ་འབྱུང་གི། ཕ་ལས་མི་འབྱུང་ངོ་།། ཅིའི་ཕྱིར་བུད་མེད་ལ་འགྲམ་སྤུ་དང་ཁ་སྤུ་མེད་ཅེ་ན། སྨྲས་པ
307a4 མ་ནིང་བཞིན་དུ་དེའི་དབང་པོ་རྣམས་ཞན་པས་ན། དེའི་ཕྱིར་བུད་མེད་ལ་འགྲམ་སྤུ་དང་ཁ་སྤུ་མེད་དོ།། ཅིའི་ཕྱིར་མ་ནིང་ལ་འགྲམ་སྤུ་དང་ཁ་སྤུ་མེད་ཅེ་ན། སྨྲས་པ། བུད་མེད་བཞིན་དུ་དེའི་དབང་པོ
307a5 རྣམས་ཞན་པས་ན། དེའི་ཕྱིར་འགྲམ་སྤུ་དང་ཁ་སྤུ་མེད་དོ།། ཅིའི་ཕྱིར་རྒྱལ་པོ་ཞེས་བྱ་ཞེ་ན། སྨྲས་པ། ཆོས་དང་། ངང་ཚུལ་དང་། སྤྱོད་ཚུལ་ཀུན་ཏུ་སྤྱོད་པས་འཁོར་རངས་པར་བྱེད་པས་ན།
307a6 དེའི་ཕྱིར་རྒྱལ་པོ་ཞེས་བྱའོ།། ཅིའི་ཕྱིར་རྒྱལ་རིགས་ཞེས་བྱ་ཞེ་ན། སྨྲས་པ། ཞིང་རྣམས་ཀྱི་བདག་པོར་གྱུར་པས་ན། དེའི་ཕྱིར་རྒྱལ་རིགས་ཞེས་བྱའོ།། ཅིའི་ཕྱིར་བྲམ་ཟེ་ཞེས་བྱ་ཞེ་ན། སྨྲས
307a7 པ། ཕྱི་རོལ་དུ་སེམས་པས་ན་བྲམ་ཟེ་ཞེས་བྱའོ།། ཅིའི་ཕྱིར་རྗེའུ་རིགས་ཞེས་བྱ་ཞེ་ན། སྨྲས་པ། ཉོན་མོངས་པ་རྣམ་པ་སྣ་ཚོགས་དང་ལྡན་པའི་ལས་བྱེད་པས་ན། དེའི་ཕྱིར་རྗེའུ་རིགས་ཞེས
iiif viewer powered by OpenSeadragon
