| e-texts navigator |
| Wylie |
304b1 ཤིང་ཤིན་ཏུ་འཇམ་ལ་གནོད་པ་ཅུང་ཟད་ཀྱང་མེད་པ་ཞིག་བྱུང་སྟེ། དེ་སྨིན་ཏེ་རྡོལ་བ་ལས་བུ་མོ་གཟུགས་བཟང་ཞིང་བལྟ་ན་སྡུག་ལ་མཛེས་པ་ཞིག་སྐྱེས་ཏེ། ཕུག་རོན་འཕྲེང་ལྡན་ཞེས་བྱ་བར་གྱུར་ནས། དེ་དུས
304b2 གཞན་ཞིག་ན། སྐྱེས་ཤིང་དབང་པོ་རྣམས་ཡོངས་སུ་སྨིན་པར་གྱུར་པ་ན། སྔོན་མ་ཐོས་པར་ཚིགས་སུ་བཅད་པ་འདི་ལྟ་བུ་ཞིག་དྲན་ཏེ། སྨྲས་པ། མཚོ་རྣམས་གང་ན་ལྡོག་པར་འགྱུར།། ལས་ནི་གང་དུ
304b3 ལྡོག་པར་འགྱུར། ། བདེ་དང་སྡུག་བསྔལ་འཇིག་རྟེན་ན།། གང་དུ་མ་ལུས་འགག་པར་འགྱུར།། ཞེས་སྨྲས་སོ།། དེ་ནས་བྲམ་ཟེའི་ཁྱེའུ་གཙམ་བུ་མུ་ཅོར་སྨྲ་བ་སྤྱི་བརྡོལ་ཅན་ཞིག་གིས་བུ་མོ་དེ་ལ་འདི་སྐད་དུ། བུ
304b4 མོ་དེ་ནི་ཅིའང་མ་ཡིན་པ་ཞིག་གོ་ཞེས་སྨྲས་པ་དང་། བུ་མོ་དེ་ཅིའང་མེད་པའི་སྐྱེ་མཆེད་ལ་སྙོམས་པར་ཞུགས་པ་ལྟ་བུ་དང་། དཔེར་ན་རྒྱལ་པོ་གསོ་སྦྱོང་འཕགས་ཀྱི་སྤྱི་བོ་ནས་ཐོར་བུ་འདི་ལྟ་སྟེ། ཤིང་བལ
304b5 ལ་མ། རས་བལ་ལྟ་བུར་འཇམ་ཞིང་ཤིན་ཏུ་འཇམ་ལ་གནོད་པ་ཅུང་ཟད་ཀྱང་མེད་པ་ཞིག་བྱུང་སྟེ། དེ་སྨིན་ཏེ་རྡོལ་བ་ལས་བྱིས་པ་གཟུགས་བཟང་ཞིང་བལྟ་ན་སྡུག་ལ་མཛེས་པ། སྐྱེས་བུ་ཆེན་པོའི་མཚན
304b6 སུམ་ཅུ་རྩ་གཉིས་ཀྱིས་བརྒྱན་པ་ཞིག་སྐྱེས་ཏེ། སྤྱི་བོ་ནས་སྐྱེས་སོ།། སྤྱི་བོ་ནས་སྐྱེས་སོ་ཞེས་ཟེར་ནས། མིང་ང་ལས་ནུང་ལས་ནུ་ཞེས་བྱ་བར་གྱུར་ཏོ།། བྱིས་པ་དེ་རྫུ་འཕྲུལ་ཆེ་ཞིང་མཐུ་ཆེ་བར་གྱུར་ཏེ།
304b7 དེས་ཀྱང་གླིང་བཞིར་རྒྱལ་སྲིད་ཀྱི་དབང་ཕྱུག་ལ་དབང་བྱས་པ་ལྟ་བུ་དང་། དཔེར་ན་རྒྱལ་པོ་ང་ལས་ནུའི་བརླ་གཡས་པ་ལས་ཐོར་བུ་འདི་ལྟ་སྟེ། ཤིང་བལ་ལམ། རས་བལ་ལྟ་བུར་འཇམ་ཤིང་ཤིན་ཏུ་འཇམ
iiif viewer powered by OpenSeadragon
