| e-texts navigator |
| Wylie |
303b1 སྐྱེ་གནས་དུ་ཡོད་ཅེ་ན། སྨྲས་པ། བཞི་པོ་ཐམས་ཅད་ཡོད་དོ།། ཡི་དགས་རྣམས་ལ་སྐྱེ་གནས་དུ་ཡོད་ཅེ་ན། སྨྲས་པ། རྫུས་ཏེ་སྐྱེ་བ་གཅིག་པུ་ཡོད་དོ།། ལ་ལ་ནི་ཡི་དགས་རྣམས་ལ
303b2 མངལ་ནས་སྐྱེ་བའང་ཡོད་དོ་ཞེས་ཟེར་བའང་ཡོད་དོ། ། ཇི་ལྟ་ཞེ་ན། སྨྲས་པ། དཔེར་ན་ཡི་དགས་མོ་ཞིག་གིས། ཚེ་དང་ལྡན་པ་མོའུ་འགལ་གྱི་བུའི་མདུན་དུ་ཚིགས་སུ་བཅད་པ་སྨྲས་པ། འདིར
303b3 ནི་ཉིན་མོ་བུ་ལྔ་བཙས། ། མཚན་མོ་གཞན་ལྔ་བཙས་གྱུར་ནས།། ཟོས་སུ་ཟིན་ཀྱང་དེ་དག་གིས།། བདག་ནི་འགྲངས་པར་མ་གྱུར་ཏོ།། ཞེས་སྨྲས་པ་ལྟ་བུའོ།། ལྷ་རྣམས་ལ་སྐྱེ་གནས་དུ་ཡོད་ཅེ་ན།
303b4 སྨྲས་པ། རྫུས་ཏེ་སྐྱེ་བ་གཅིག་པུ་ཡོད་དོ།། མི་རྣམས་ལ་སྐྱེ་གནས་དུ་ཡོད་ཅེ་ན། སྨྲས་པ། བཞི་པོ་ཐམས་ཅད་ཡོད་དོ།། མི་རྣམས་ལ་སྒོ་ང་ལས་སྐྱེ་བའི་སྐྱེ་གནས་ཇི་ལྟར་ཡོད་ཅེ་ན།
303b5 སྨྲས་པ། དཔེར་ན་འཛམ་བུ་གླིང་པའི་ཚོང་པ་མང་པོ་རྒྱ་མཚོ་འགྲམ་ནས་བསྐོར་བ་རྣམས་ཀྱིས་ཁྲུང་ཁྲུང་གཞོན་ནུ་མ་གཉིས་མཐོང་བ་ལས། གཅིག་ནི་བྲོས་གཅིག་དེ་ནི་དེ་དག་གིས་བཟུང་སྟེ།
303b6 དེ་དག་དང་ལྷན་ཅིག་ཏུ་འཚེས་ནས། དེ་དག་དང་འཚོས་པའི་རྐྱེན་གྱིས་སྒོ་ང་གཉིས་བྱུང་སྟེ། དེ་གཉིས་སྨིན་ཏེ་རྡོལ་བ་ལས། བྱིས་པ་གཟུགས་བཟང་ཞིང་བལྟ་ན་སྡུག་ལ་མཛེས་པ་གཉིས
303b7 བྱུང་ནས། བཅོམ་ལྡན་འདས་ཀྱི་བསྟན་པ་ལ་རབ་ཏུ་བྱུང་སྟེ། དེ་གཉིས་ཀྱིས་བརྩོན་པ་དང་། སྦྱོར་བ་དང་། འབད་པ་བྱས་པས་མཆོག་གི་འབྲས་བུ་དགྲ་བཅོམ་པ་ཉིད་མངོན་སུམ་དུ་བྱས་ཏེ།
iiif viewer powered by OpenSeadragon
