| e-texts navigator |
| Wylie |
303a1 ལེགས་པར་སྤྱོད་པ་དང་། ཡིད་ཀྱི་ལེགས་པར་སྤྱོད་པ་ཆེན་པོ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས་ལྷར་འགྲོ་ཞིང་ལྷ་རྣམས་ཀྱི་ནང་དུ་སྐྱེ་སྟེ། ལྷ་རྣམས་ཀྱི་ནང་དུ
303a2 ཉིང་མཚམས་སྦྱོར་བ་དེ་ནི་ལྷའི་འགྲོ་པོ་ཞེས་བྱའོ། ། གཞན་ཡང་མིང་དང་རྣམ་པའི་ཚིག་ཅེས་བྱ་བ་ནས། སྔ་མ་བཞིན་དུ་སྦྱར་རོ།། མིའི་འགྲོ་བ་གང་ཞེ་ན། སྨྲས་པ། མི་རྣམས་དང་འདྲ
303a3 བར་གྱུར་པ་དང་། གྲོགས་སུ་གྱུར་པ་དང་། སྐལ་བ་མཉམ་པ་དང་། གནས་ཐོབ་པ་དང་། གཞི་ཐོབ་པ་དང་། སྐྱེ་མཆེད་དང་། སྐྱེ་མཆེད་ཐོབ་པ་དང་། མི་འདིར་སྐྱེས་པ་རྣམས་ཀྱིས་མ
303a4 བསྒྲིབས་ལ་ལུང་དུ་མ་བསྟན་པའི་གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་རྣམས་དང་། རྣམ་པར་ཤེས་པ་གང་ཡིན་པ་དེའང་མིའི་འགྲོ་བ་ཞེས་བྱའོ།། གཞན་ཡང་ལུས་ཀྱི་ལེགས།
303a5 པར་སྤྱོད་པ་དང་། ངག་གི་ལེགས་པར་སྤྱོད་པ་དང་། ཡིད་ཀྱི་ལེགས་པར་སྤྱོད་པ་ཆུང་ངུ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པས། མིར་འགྲོ་ཞིང་མི་རྣམས་ཀྱི་ནང་དུ་སྐྱེ་སྟེ། མི་རྣམས
303a6 ཀྱི་ནང་དུ་ཉིང་མཚམས་སྦྱོར་བ་དེ་ནི་མིའི་འགྲོ་བ་ཞེས་བྱའོ། ། གཞན་ཡང་མིང་དང་། རྣམ་པའི་ཚིག་དང་། ཚིག་བླ་དགས་དང་། མིང་དུ་བཏགས་པ་དང་། ཀུན་ཏུ་རིག་པ་དང་། གདགས་པ་དང་།
303a7 ཐ་སྙད་ཀྱི་མིའི་འགྲོ་བའང་མིའི་འགྲོ་བ་ཞེས་བྱའོ།། འགྲོ་བ་གང་ལ་སྐྱེ་གནས་དུ་ཡོད་ཅེ་ན། སྨྲས་པ། སེམས་ཅན་དམྱལ་བ་རྣམས་ནི་རྫུས་ཏེ་སྐྱེ་བའི་སྐྱེ་གནས་གཅིག་པུ་ཡོད་དོ།། དུད་འགྲོ་རྣམས་ལ
iiif viewer powered by OpenSeadragon
