| e-texts navigator |
| Wylie |
300a1 ལུད་ཅེ་ན། སྨྲས་པ། འོག་ནས་མེ་འཇེབས་པ་འབར་བས། མེའི་ཤས་ཆེ་བར་གྱུར་ལ། མེའི་ཤས་ཆེ་བར་གྱུར་པས། རླུང་གི་ཤས་ཆེ་བར་འགྱུར་རོ།། རླུང་གི་ཤས་ཆེ
300a2 བར་གྱུར་པས་ཆུ་ཕྱི་རོལ་དུ་བྱེ་བར་འགྱུར་ཏེ། རྒྱུ་དེས་ན་ཕྲུ་བ་ལུད་དོ།། ཅིའི་ཕྱིར་ཁ་དོག་སྔོ་བར་འགྱུར་ཞེ་ན། སྨྲས་པ། ཆུའི་ཁམས་ཤས་ཆེ་བའི་ཕྱིར་རོ།། ཅིའི་ཕྱིར་སེར་བ་དང་དམར་བར་འགྱུར
300a3 ཞེ་ན། སྨྲས་པ། མེའི་ཁམས་ཤས་ཆེ་བའི་ཕྱིར་རོ།། ཅིའི་ཕྱིར་དཀར་བར་འགྱུར་ཞེ་ན། སྨྲས་པ། ཁམས་རྣམས་མཉམ་པའི་ཕྱིར་ཏེ། རྒྱུ་དེས་ན་ཁ་དོག་སྔོ་བ་དང་། སེར་བ་དང་། དམར་བ
300a4 དང་། དཀར་བར་འགྱུར་རོ།། ཅིའི་ཕྱིར་རོ་ཁ་བ་དང་། སྒྱུར་བ་དང་། ལན་ཚྭའི་རོ་དང་། ཚ་བ་དང་བསྐ་བར་འགྱུར་ཞེ་ན། སྨྲས་པ། ཁམས་མཉམ་པའི་ཕྱིར་ཏེ། རྒྱུ་དེས་ན་རོ་ཁ་བ་དང་། སྒྱུར་བ
300a5 དང་། ལན་ཚྭའི་རོ་དང་། བསྐ་བར་འགྱུར་རོ།། ཅིའི་ཕྱིར་དངར་བར་འགྱུར་ཞེ་ན། སྨྲས་པ། ཁམས་མཉམ་པའི་ཕྱིར་ཏེ། རྒྱུ་དེས་ན་དངར་བར་འགྱུར་རོ།། ཅིའི་ཕྱིར་ལྕི་བ་དང་། རྩུབ་པ་དང་།
300a6 མཁྲང་བ་དང་། སྲ་བར་འགྱུར་ཞེ་ན། སྨྲས་པ། སའི་ཁམས་ཤས་ཆེ་བའི་ཕྱིར་རོ།། ཅིའི་ཕྱིར་མཉེན་པ་དང་། འཇམ་པ་དང་། ལས་སུ་རུང་བར་འགྱུར་ཞེ་ན། སྨྲས་པ། ཆུའི་ཁམས
300a7 ཤས་ཆེ་བའི་ཕྱིར་ཏེ། རྒྱུ་དེས་ན་མཉེན་པ་དང་། འཇམ་པ་དང་། ལས་སུ་རུང་བར་འགྱུར་རོ།། ཆོས་མངོན་པའི་བསྟན་བཅོས་ཆེན་པོ་རྒྱུ་གདགས་པ་ལས་ཚིགས་བཅུ་བཞི་པའོ།།
iiif viewer powered by OpenSeadragon
