| e-texts navigator |
| Wylie |
299b1 བག་མ་གཏོང་བ་དང་། དགའ་སྟོན་དང་། དུས་སྟོན་དག་བྱེད་དེ། དེ་དག་དགའ་ཞིང་དེ་དང་དེ་དག་ཏུ་འདོང་བར་བྱེད་དེ། དེ་དག་དགའ་ཞིང་འདོང་བ་ན་ཆར་ཆེར་འབབ་བོ།། གཞན་ཡང་མི་རྣམས་ཀྱིས་དེ་ལྟ
299b2 བུར་འགྱུར་བའི་ལས་རྣམས་བྱས་ཤིང་བསགས་པ་ས་ན། སོས་ཀ་དང་དབྱར་ཆར་ཆེར་འབབ་སྟེ། རྒྱུ་དེས་ན་སོས་ཀ་དང་དབྱར་ཆར་ཆེར་འབབ་བོ།། ཅིའི་ཕྱིར་ཆུའི་ཐིགས་པ་འབབ་ཅེ་ན། སྨྲས་པ།
299b3 ཕྱོགས་གཉིས་ནས་རླུང་ཆེན་པོ་དག་ལྡང་སྟེ། དེ་དག་གིས་ཆུ་དེ་དག་གཅིག་ཏུ་བསྡུས་པས་ན། དེ་ལས་ཆུའི་ཐིགས་པར་འགྱུར་རོ།། གཞན་ཡང་མི་རྣམས་ཀྱིས་དེ་ལྟ་བུའི་ལས་རྣམས་བྱས་ཤིང
299b4 བསགས་ཏེ། དེ་དག་བྱས་ཤིང་བསགས་པས་མི་མ་ཡིན་པ་རྣམས་འཁྲུགས་ནས་ཆུའི་ཐིགས་པ་འབབ་སྟེ། དེས་དེ་དག་ལ་གནོད་པ་ཆེན་པོར་འགྱུར་ཏེ། རྒྱུ་དེས་ན་ཆུའི་ཐིགས་པ་འབབ་བོ།། ཅིའི
299b5 ཕྱིར་སེར་བ་འབབ་ཅེ་ན། སྨྲས་པ། ཕྱོགས་གཉིས་ནས་རླུང་ཤིན་ཏུ་བསིལ་བ་དག་ལྡང་སྟེ། དེ་དག་གིས་ཆུའི་ཁམས་དེ་གཅིག་ཏུ་བསྡུས་ལ། སའི་ཁམས་ཀྱིས་ཀྱང་སྲ་བར་བྱས་ནས། ཁ་བ་འམ་སེར
299b6 བཔར་གྱུར་པ་དེ་རླུང་གིས་ཐུར་དུ་ཕ་བ་སྟེ། རྒྱུ་དེས་ན་སེར་བ་འབབ་བོ།། ཅིའི་ཕྱིརརེ་གློག་འབྱུང་ཞེ་ན། སྨྲས་པ། ཕྱོགས་གཉིས་ནས་རླུང་ཤིན་ཏུ་ཚ་བ་དག་ལྡང་སྟེ། དེ་དག་ཐུག་པ་ལས་གློག་འབྱུང་སྟེ།
299b7 རྒྱུ་དེས་ན་གློག་འབྱུང་ངོ་།། ཅིའི་ཕྱིར་འབྲུག་ཟེར་ཞེ་ན། སྨྲས་པ། ཕྱོགས་གཉིས་ནས་རླུང་ཆེན་པོ་དག་ལྡང་སྟེ། དེ་དག་བརྡབས་པ་ལས་སྒྲ་འབྱུང་སྟེ། རྒྱུ་དེས་ན་འབྲུག་ཟེར་རོ།། ཅིའི་ཕྱིར་ཕྲ་བ
iiif viewer powered by OpenSeadragon
