| e-texts navigator |
| Wylie |
297b1 དེད་ལ་སྟེགས་བུ་འམ། འཆགས་སྤྲུལ་པར་བྱེད་དེ། རྒྱུ་དེས་ན་སྤྲུལ་པ་ནམ་མཁའ་ལ་འཆག་གོ།། ཅིའི་ཕྱིར་སྤྲུལ་པ་ནམ་མཁའ་ལ་འགྲེང་ཞེ་ན། སྨྲས་པ། སྤྲུལ་པ་པོའི་དབང་གིས་འགྱུར་ཏེ།
297b2 སྤྲུལ་པ་པོས་ནམ་མཁའ་དེ་ལ་ས་གཞི་འམ། གནས་སྤྲུལ་པར་བྱེད་དེ། རྒྱུ་དེས་ན་སྤྲུལ་པ་ནམ་མཁའ་ལ་འགྲེང་ངོ་།། ཅིའི་ཕྱིར་སྤྲུལ་པ་ནམ་མཁའ་ལ་འདུག་ཅེ་ན། སྨྲས་པ། སྤྲུལ་པ་པོའི
297b3 དབང་གིས་འགྱུར་ཏེ། སྤྲུལ་པ་པོ་ནམ་མཁའ་དེ་ལ་སྟན་ནམ་འདུག་ས་སྤྲུལ་བར་བྱེད་དོ།། རྒྱུ་དེས་ན་སྤྲུལ་པ་ནམ་མཁའ་ལ་འདུན་ཏོ།། ཅིའི་ཕྱིར་སྤྲུལ་པ་ནམ་མཁའ་ལ་ཉལ་ཞེ་ན། སྨྲས་པ།
297b4 སྤྲུལ་པ་པོའི་དབང་གིས་འགྱུར་ཏེ། སྤྲུལ་པ་པོས་ནམ་མཁའ་དེ་ལ་མལ་ལམ་ཁྲི་སྤྲུལ་པར་བྱེད་དེ། རྒྱུ་དེས་ན་སྤྲུལ་པ་ནམ་མཁའ་ལ་ཉལ་མོ།། རྫུ་འཕྲུལ་གྱི་ཡོན་ཏན་ལྷག་མ་རྣམས་ཀྱང་དེ་བཞིན
297b5 དུ་རྟོགས་པར་བྱས་ནས། གཞི་ཇི་ལྟ་བ་བཞིན་དུ་བརྗོད་པར་བྱའོ།། ཆོས་མངོན་པའི་བསྟན་བཅོས་ཆེན་པོ་རྒྱུ་གངདགས་པ་ལས་ཚིགས་བཅུ་གསུམ་པའོ།། ། སྡོམ་ནི་མ
297b6 དམན་བརྒྱད་དང་ཆར་མི་འབབ། ཆར་འབབ་སོས་ཀ་ཆུ་ཐིགས་དང་། སེར་བ་ལ་བ་གློག་དང་འབྲུག། ཕྲུ་བ་དང་ནི་བཞི་དྲུག་བདུན། ཆར་པ་ཇི་ཙམ་ན་འདུག་སྟེ་འབབ་ཅེ་ན། སྨྲས་པ། སྤྲིན་ནི་བརྒྱ
297b7 ཡོད་དོ། ། དེ་ལ་སྤྲིན་དང་པོ་ནི་དཔག་ཚད་ཕྱེད་དང་གཉིས་ན་འཇུག་གོ།། གཉིས་པ་ནི་རྒྱང་གྲགས་སྡེའོ།། གསུམ་པ་ནི་དཔག་ཚད་གཅིག་གོ།། བཞི་པ་ནི་རྒྱང་གྲགས་གསུམ་མོ།། ལྔ་པ་ནི་དཔག་ཆང་བྱེད་དོ།།
iiif viewer powered by OpenSeadragon
