| e-texts navigator |
| Wylie |
297a1 དང་ཟན་དྲོན་གྱིས་བསྐྱེད་པ། རྟག་ཏུ་དྲིལ་བ་དང་། ཁྲུས་བྱ་བ་དང་། མཉེ་དགོས་པ་དང་། འགྱེས་པ་དང་། འཐོར་བ་དང་། རྣམ་པར་འཇིག་པའི་ཆོས་ཅན་གྱི་ལུས་འདིས
297a2 ཀྱང་ཚངས་པའི་གཞལ་མེད་ཁང་དུ་ཕྱིན་པར་ངས་མངོན་པར་ཤེས་སོ། ། བཅོམ་ལྡན་འདས་ཀྱིས་དཔེ་བསྟན་དུ་གསོལ། བདེ་བར་གཤེགས་པས་དཔེ་བསྟན་དུ་གསོལ། ཀུན་དགའ་བོ་དཔེར་ན་ལྕགས
297a3 ཀྱི་གར་བུ་འམ། ལྕགས་ཀྱི་སྣོད་ནི་གང་གི་ཚེ་ཚ་བ་ཡོད་ཅིང་མེ་ཡོད་པ་དེའི་ཚེ། ཤིན་ཏུ་ཆེས་ཡང་བ་དང་། ཆེས་འཇམ་པ་དང་། ཆེས་ལས་སུ་རུང་བ་དང་། ཆེས་འོད་གསལ་བར་འགྱུར་ལ
297a4 གང་གི་ཚེ་གྲང་མོར་གྱུར་ཅིང་མེ་མེད་པ་དེའི་ཚེ་ནི་ཆེས་ལྕི་བ་དང་། ཆེས་སྲ་བ་དང་། ཆེས་ལས་སུ་མི་རུང་བ་དང་། ཆེས་འོད་མི་གསལ་བར་འགྱུར་བ་དེ་བཞིན་དུ། ཀུན་དགའ་བོ་གང་གི་ཚེ་དེ་བཞིན
297a5 གཤེགས་པའི་ལུས་སེམས་མ་བཞག་ཅིང་། སེམས་ཀྱང་ལུས་ལ་བཞག་སྟེ། ལུས་ལ་ཡང་བའི་འདུ་ཤེས་དང་། འཇམ་པའི་འདུ་ཤེས་བསྐྱེད་ན་ནི། ཀུན་དགའ་བོ་གང་གི་ཚེ་དེ་བཞིན་གཤེགས
297a6 པའི་ལུས་ཤིན་ཏུ་ཆེས་ཡང་བ་དང་། ཆས་འཇམ་པ་དང་། ཆེས་ལས་སུ་རུང་བ་དང་། ཆེས་འོད་གསལ་བར་འགྱུར་བ་དང་། སེམས་ཀྱི་རྒྱུ་ལས་འབྱུང་བ་དང་། སེམས་ལ་རྟེན་པ་དང་། སེམས
297a7 ལ་རག་ལས་པར་འགྱུར་ཏེ། སེམས་ལ་བརྟེན་ནས་ལུས་ལ་དབང་བྱེད་དོ།། ཅིའི་ཕྱིར་སྤྲུལ་པ་ནམ་མཁའ་ལ་འཆག་ཅེ་ན། སྨྲས་པ། སྤྲུལ་པ་པོའི་དབང་གིས་འགྱུར་ཏེ། སྤྲུལ་པ་པོས་ནམ་མཁའ
iiif viewer powered by OpenSeadragon
