| e-texts navigator |
| Wylie |
296b1 དཔེར་ན་ཟ་མ་ཏོག་ཁྱེར་བའི་མིས་ཟ་མ་ཏོག་བླངས་ཏེ། བླངས་ནས་ཀྱང་འཕག་པར་བྱེད་ཅིང་། ཀུན་ཏུ་འཕག་པར་བྱེད་ལ། འགྲོ་བར་བྱེད་ཅིང་། ཀུན་ཏུ་འགྲོ་བར་བྱེད་པ་དང་། དགེ་སློང་བསོད་སྙོམས།
296b2 པས་ཁ་ཟས་ལྷུང་བཟེད་ཀྱི་སྣོད་དུ་བཅུག་ནས། འཕག་པར་བྱེད་ཅིང་། ཀུན་ཏུ་འཕག་པར་བྱེད་ལ། འགྲོ་བར་བྱེད་ཅིང་། ཀུན་ཏུ་འགྲོ་བར་བྱེད་པ་དེ་བཞིན་དུ། དགེ་སློང་གིས་ལུས་ལ་ཡང་བའི་འདུ་ཤེས
296b3 དང་། འཇམ་པའི་འདུ་ཤེས་བསྐྱེད་ནས་འཕག་པར་བྱེད་ཅིང་། ཀུན་ཏུ་འཕག་པར་བྱེད་ལ། གྱེན་དུ་འགྲོ་བར་བྱེད་ཅིང་། ཀུན་ཏུ་གྱེན་དུ་འགྲོ་བར་བྱེད་དེ། ལུས་ལ་ཚངས་པའི་འཇིག་རྟེན་བསམས་ན།
296b4 སེམས་བསྐྱེད་པའི་མོད་ལ་དབང་ཡོད་པ་དང་། འགྲོ་བ་དང་། རག་ལས་པ་དང་། བདག་པོ་དང་། མཐུ་ཡོད་པ་དང་། སྐལ་བ་ཅན་དང་། དབང་བྱེད་པ་དང་། ཚངས་པའི་འཇིག་རྟེན་ན་གནས་པ་ཞེས་བརྗོད
296b5 དོ། ། དེ་ལྟར་བཅོམ་ལྡན་འདས་ཀྱིས་ཀྱང་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་ཏེ། ཀུན་དགའ་བོ་ཡོད་ཀྱི་རྫུ་འཕྲུལ་འདིས་ཚངས་པའི་གཞལ་མེད་ཁང་དུ་ཕྱིན་པར་ངས་མངོན་པར་ཤེས་སོ།། དེ་སྐད་ཅེས
296b6 བཀའ་སྩལ་པ་དང་། བཅོམ་ལྡན་འདས་ལ། ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏེ།། གཟུགས་ཅན་རགས་པ་འབྱུང་བ་ཆེན་པོ་བཞི་ལས་བྱུང་བའི་སྐུ་འདིས་ཚངས་པའི་གཞལ་མེད་ཁང་དུ
296b7 གཤེགས་པར་བཅོམ་ལྡན་འདས་ཀྱིས་མངོན་པར་མཁྱེན་ཏམ། ཀུན་དགའ་བོ་གཟུགས་ཅན་རགས་པ་འབྱུང་བ་ཆེན་པོ་བཞི་ལས་བྱུང་བ། ཕ་དང་མའི་མི་གཙང་བ་མེར་མེར་པོ་ལས་བྱུང་བ། འབྲས་ཆན
iiif viewer powered by OpenSeadragon
