| e-texts navigator |
| Wylie |
295b1 ཚེགས་མེད་པར་ཐོབ་པ་དེས། དེ་སྐྱེད་ཅིང་སྐྲུན་ཏེ། ཡང་དག་པར་སྐྱེད་ཅིང་ཡང་དག་པར་སྒྲུབ་པར་བྱེད་ལ་གསལ་བར་བྱེད་དོ།། དེས་དེ་བསྐྱེད་ཅིང་བསྐྲུན་ཏེ། ཡང་དག་པར་བསྐྲུན་ཅིང་ཡང་དག་པར་བསྒྲུབས།།
295b2 ལ་གསལ་བར་བྱས་ནས། ཕྱོགས་གང་ན་འགྲེང་ངམ། འདུག་གམ། ཉལ་ཡང་རུང་སྟེ། དེས་དེར་མེ་འམ། མེ་ལྕེ་འམ། དུད་པ་འམ། དུད་པའི་རྟགས་ཅན་ནམ། རླུང་ངམ། རླུང་གི་དཀྱིལ་འཁོ
295b3 དུ་མོས་པར་བྱེད་དེ། དེ་དེར་མེ་འམ། མེ་ལྕེ་འམ། དུད་པ་འམ། དུད་པའི་རྟགས་ཅན་ནམ། རླུང་ངམ། རླུང་གི་དཀྱིལ་འཁོར་དུ་མོས་ནས་ཀྱང་། དེའི་འོག་ཏུ་བདག་རླུང་གི་དཀྱིལ་འཁོར་གྱིས་གྱེན་དུ་ཁྱེར
295b4 བར་གྱུར་ཅིག་སྙམ་དུ་མོས་སམ། ཡང་ན་གླང་པོ་ཆེའམ། རྟ་འམ། ཤིང་རྟའམ། དཔུང་བུ་ཆུང་ངམ། བྱ་འམ། རྩིག་པ་འམ། ཤིང་ཁྱེར་བར་གྱུར་ཅིག་སྙམ་དུ་མོས་པར་བྱེད་དེ། ཇི་ལྟ་ཇི་ལྟར་མོས
295b5 པ་དེ་ལྟ་དེ་ལྟར་གཞན་གྱི་ཤའི་མིག་ཐ་མལ་པས་མཐོང་ངོ་། ། དེ་འདི་སྙམ་དུ་སེམས་ཏེ། ཀྱེ་མ་རྫུ་འཕྲུལ་འདི་ལྟ་བུ་ཞིག་མྱོང་བར་བྱའོ།། སོ་སོར་མྱོང་བར་བྱའོ།། རིགས་པར་བྱའོ།། ཉམས་སུ་མྱོང་བར་བྱའོ་སྙམ
295b6 དུབསམས་ན། དེ་བཞིན་དུ་འགྲུབ་པར་འགྱུར་ཏེ། འདི་ལྟ་སྟེ། རྫུ་འཕྲུལ་གྱི་རྐང་པ་རྣམས་ལེགས་པར་བསྒོམས་པའི་ཕྱིར་རོ།། དེ་ལྟར་ནམ་མཁའ་ལ་སྐྱིལ་མོ་ཀྲུང་བཅས་བཞིན་འགྲོ་སྟེ། དཔེར་ན་འདབ་ཆགས
295b7 བྱ་བཞིན་ནོ། ། དེས་ཉི་མ་དང་ཟླ་བ་གཉིས་ལག་པས་འཛིན་ཅིང་ཀུན་ཏུ་ཉུག་པར་བྱེད་དོ་ཞེས་གསུངས་པ་དེ། ཇི་ལྟར་ན་ཉི་མ་དང་ཟླ་བ་གཉིས་ལག་པས་འཛིན་ཅིང་ཀུན་ཏུ་ཉུག་པར་བྱེད་ཅེ་ན། སྨྲས་པ། ཉི་མ་ཞེས་བྱ་བ
iiif viewer powered by OpenSeadragon
