| e-texts navigator |
| Wylie |
293a1 ཚལ་ནས་ཆུ་ཀླུང་འབབ་པ་གང་ཡིན་པ་རྣམས་དང་། བར་སྣང་ལས་ཆར་གྱི་རྒྱུན་ཤིང་རྟའི་སྲོག་ཤིང་ཙམ་འབབ་ཀྱང་། དེས་རྒྱ་མཚོ་ཆེན་པོ་དེ་འགྲིབ་པར་འགྱུར་བའང་མེད། གང
293a2 བར་འགྱུར་བའང་མེད་ཅེ་ན། སྨྲས་པ། རྒྱ་མཚོ་ཆེན་པོའི་ནང་ན་གནས་པའི་སྲོག་ཆགས་རྣམས་ཀྱི་ལོངས་སྤྱོད་དུ་འགྲོ་ལ། ལྷག་མ་རླུང་དང་ཉི་ཚན་གྱིས་ཟད་ཅིང་གཏུགས་པར་གྱུར་ཏེ། རྒྱུ་དེས་ན་རྒྱ་མཚོ་ཆེན
293a3 པོ་འགྲིབ་པར་འགྱུར་བའང་མེད། གང་བར་འགྱུར་བའང་མེད་དོ།། རྒྱ་མཚོ་ཆེན་པོའི་ནང་ན་སྲོག་ཆགས་ཁ་དོག་སྣ་ཚོགས་དང་། རྟགས་སྣ་ཚོགས་དང་། དབྱིབས་སྣ་ཚོགས་དང་། ཁ་དོག་དུ་མ་དང་།
293a4 རྟགས་དུ་མ་དང་། དབྱིབས་དུ་མ་ཡོད་དོ་ཞེས་གསུངས་པ་དེ། ཅིའི་ཕྱིར་རྒྱ་མཚོ་ཆེན་པོའི་ནང་ན། སྲོག་ཆགས་ཁ་དོག་སྣ་ཚོགས་དང་། རྟགས་སྣ་ཚོགས་དང་། དབྱིབས་སྣ་ཚོགས་དང་། ཁ་དོག་དུ
293a5 མ་དང་། རྟགས་དུ་མ་དང་། དབྱིབས་དུ་མ་ཡོད་ཅེ་ན། སྨྲས་པ། སེམས་ཅན་གང་སྔོན་མིར་གྱུར་ཅིང་འདུག་འདུག་པ་རྣམས་ཀྱིས་ལུས་ཀྱིས་སྡིག་པ་མི་དགེ་བའི་ལས་ཇི་ལྟ་བུ་བུས་པ་དང་། ངག་གིས་ཇི་ལྟ
293a6 བུ་སྨྲས་པའི་ཉེས་པར་སྤྲད་པ་དེ་དང་། ཡང་དག་པར་བླངས་པ་དེ་ལྟ་བུ་དང་། ཡང་དག་པར་བཟུང་བ་དེ་ལྟ་བུས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར
293a7 འགྱུར་ལ། དེ་དག་སེམས་ཅན་དམྱལ་བ་རྣམས་ནས་ཤི་འཕོས་ནས་ཀྱང་ལས་ཀྱི་ལྷག་མ་དེས་རྒྱ་མཚོ་ཆེན་པོའི་ནང་དུ་དུད་འགྲོ་རྣམས་སུ་སྐྱེ་བར་འགྱུར་ཏེ། དེ་དག་དེར་ཁ་དོག་སྣ་ཚོགས་དང་། རྟགས་སྣ་ཚོགས
iiif viewer powered by OpenSeadragon
