| e-texts navigator |
| Wylie |
291b1 རྣམས་ནང་པར་སྔར་ཆུའི་ནང་ནས་བྱུང་སྟེ་ཟང་ལ་འགྲོ་ལ། དེ་དག་བཀྲེས་བཞིན་དུ་ཕྱེ་མ་རེད་ཕྱིར་ལྡོག་སྟེ། དེ་དག་གྱེན་དུ་འབྱུང་བ་དང་ཕྱིར་ལྡོག་པ་ལས་དུས་རླབས་ཀྱི་རླབས་འབྱུང་བར་འགྱུར་བ་འདིན
291b2 ནང་པར་དང་ཕྱེ་མ་རེད་ཀྱི་དུས་རླབས་ཞེས་བྱའོ། ། དུས་རླབས་ཆེན་པོ་གང་ཞེ་ན། འདི་ལྟ་སྟེ། རྒྱ་མཚོ་ཆེན་པོའི་ནང་ན་གནས་པ་རྣམས་ཚེས་བརྒྱད་དང་། ཚེས་བཅུ་བཞི་དང་། ཆོ་འཕྲུལ་གྱི་ཟླ་བ
291b3 ཕྱེད་དང་། དེ་ལ་སོགས་པའི་ཚེས་གྲངས་དག་ཏུ་ཆུའི་ནང་ནས་ཐང་ལ་བྱུང་ནས། ཟླ་བ་ལ་ངང་པ་རྣམས་ནི་ཟླ་བ་ལ་ཕྱག་འཚལ། ཉི་མ་ལ་དད་པ་རྣམས་ནི་ཉི་མ་ལ་ཕྱག་འཚལ། སྐེམ་བྱེད་ལ་དད་པ་རྣམས
291b4 ནོནི་སྐེམ་བྱེད་ལ་ཕྱག་འཚལ། སངས་རྒྱས་ལ་དད་པའི་དགེ་བསྙེན་རྣམས་ནི་གསོ་སྦྱོང་ལ་གནས་པར་བྱེད་དེ། དེ་དག་གྱེན་དུ་འབྱུང་བ་དང་ཕྱིར་ལྡོག་པ་ལས་དུས་རླབས་ཆེན་པོའི་རླབས་འབྱུང་བར་འགྱུར་ཏེ།
291b5 རྒྱུ་དེས་ན་རྒྱ་མཚོ་ཆེན་པོའི་དུས་རླབས་ལ་བབ་ན་ཡོལ་བར་མི་འགྱུར་རོ།། རྒྱ་མཚོ་ཆེན་པོ་ནི་འདྲ་བར་ལན་ཚྭའི་རོར་རོ་གཅིག་གོ་ཞེས་གསུངས་པ་དེ་ཅིའི་ཕྱིར་རྒྱ་མཚོ་ཆེན་པོ་འདྲ་བར་ལན་ཚྭའི་རོ་རེ་རོ་གཅིག་ཅེ་ན།
291b6 སྨྲས་པ། རྒྱ་མཚོ་ཆེན་པོའི་ནང་ན་སྲོག་ཆགས་སྐྱེའང་སྐྱེ། རྒའང་ན། འཆིའང་འཆི་བ་དག་ཡོད་དེ། དེ་དག་གི་ལུས་ཀྱི་དྲི་མ་དང་། ལུས་ཀྱི་སྟག་སྙིག་གིས་རྒྱ་མཚོ་ཆེན་པོ་ལ་ལན་ཚྭའི་རོ་བྲོ་བར་འགྱུར་རོ།
291b7 གཞན་ཡང་རྒྱ་མཚོ་ཆེན་པོའི་ནང་ན་ལན་ཚྭའི་རོ་དག་ཡོད་། དེ་དག་ཞུ་བ་ལས་རྒྱ་མཚོ་ཆེན་པོ་ལན་ཚྭའི་རོ་བྲོ་བར་འགྱུར་རོ།། གཞན་ཡང་གླིང་རྣམས་ལ་མི་འཁོད་པ་རྣམས་ཀྱིས་རྩཝ་དང་། ཤིང་དང་། ཡལ་ག།
iiif viewer powered by OpenSeadragon
