| e-texts navigator |
| Wylie |
290b1 བདག་ཉིད་ཀྱི་ནང་གི་མེའི་ཁམས་ཀྱིས་ལུས་བསྲེགས་ཏེ་ཚིག་པར་བྱས་ན། དུད་པའང་མེད། ཐལ་བའི་ལྷག་མ་ལུས་པའང་མེད་ཅེ་ན། སྨྲས་པ། ཚེ་དང་ལྡན་པ་གྱང་བུ་ནོར་གྱིས་ནམ་མཁའ་དེ
290b2 ལ་ས་གཞི་སྤྲུལ་ཏེ། སྟེགས་བུ་དང་། འཆགས་དང་། ཁྲི་དང་ལྡན་པའི་ས་གཞི་སྤྲུལ་ནས། སྟེགས་བུ་དང་། འཆགས་དང་། ཁྲི་དང་། མེ་དང་། མེའི་རྒྱུད་སྤྲུལ་ཏོ།། མེ་དང་མེའི་རྒྱུར་སྤྲུལ་ནས
290b3 བདག་ཉིད་ཀྱི་ནང་གི་མེའི་ཁམས་ཀྱིས་ལུས་བསྲེགས་ཏེ་ཚིག་པར་བྱས་ན། དུད་པའང་མེད། ཐལ་བ་འམ། ལྷག་མ་ལུས་པའང་མེད་དོ།། རྒྱུ་དེས་ན་ཚེ་དང་ལྡན་པ་གྱད་བུ་ནོར་གྱིས་བདག་ཉིད་ཀྱི་ནང
290b4 གི་མེའི་ཁམས་ཀྱིས་ལུས་བསྲེགས་ཏེ་ཚིག་པར་བྱས་ན། དུད་པའང་མེད། ཐལ་བ་འམ། ལྷག་མ་ལུས་པ་ཙམ་ཡང་མེད་དོ།། ཆོས་མངོན་པའི་བསྟན་བཅོས་ཆེན་པོ་རྒྱུ་གདགས་པ་ལས
290b5 ཚིགས་བཅུ་གཅིག་པའོ། ། རྒྱུ་གདགས་པ་བམ་པོ་དྲུག་པ། སྡོམ་ནི། གཞོལ་དང་གང་ཟབ་དུས་རླབས་དང་། ལན་ཚྭ་རིན་ཆེན་ཆེན་པོ་གནྡྷ
290b6 རུལ་བའི་རོ་དང་གཅིག་མི་གནས། ། ཆུ་ཀླུང་རྒྱུན་དང་སྣ་ཚོགས་མདོག། རྒྱ་མཚོ་ཆེན་པོ་ནི་བྱིན་གྱིས་གཞོལ་ཞིང་བྱིན་གྱིས་འབབ་ལ། བྱིན་གྱིས་བབ་སྟེ། མུ་ཁོ་ན་ནས་གད་པར་འདུག་པ་མ་ཡིན་ན
290b7 ཞེས་གསུངས་པ་དེ། ཅིའི་ཕྱིར་རྒྱ་མཚོ་ཆེན་པོ་བྱིན་གྱིས་གཞོལ་ཞིང་བྱིན་གྱིས་འབབ་ལ། བྱིན་གྱིས་བབ་སྟེ། མུ་ཁོ་ན་ནས་གད་པར་འདུག་པ་མ་ཡིན་ཞེ་ན། སྨྲས་པ། རྒྱ་མཚོ་ཆེན་པོ་ནི་བྱིན
iiif viewer powered by OpenSeadragon
