| e-texts navigator |
| Wylie |
290a1 འགྱུར་བ་ཞེས་བྱའོ། ། སྐྱེས་ནས་ཐོབ་པ་གང་ཡིན་པ་དེ་ལ་ནི་མེད་པར་འགྱུར་བའང་ཡོད། མེད་པར་མི་འགྱུར་བའང་ཡོད་དོ།། མེད་པར་འགྱུར་བ་གང་ཞེ་ན། སྨྲས་པ། དཔེར་ན་ལྷ
290a2 འམ། ལྷ་མ་ཡིན་ནམ། གཟུགས་བཟང་པོ་འམ། གཟུགས་ངན་པར་སྤྲུལ་པ་དེ་ནི་མེད་པར་འགྱུར་བའོ།། མེད་པར་མི་འགྱུར་བ་གང་ཞེ་ན། སྨྲས་པ། རིང་དུ་སོང་དུ་ཟིན་ཀྱང་། དེའི་འོག་ཏུ་རང
290a3 བཞིན་ཇི་ལྟ་བ་ཁོ་ན་བཞིན་དུ་གནས་པ་གང་ཡིན་པ་དེ་ནི་མེད་པར་མི་འགྱུར་བའོ། ། ཅིའི་ཕྱིར་སྤྲུལ་པ་དུ་བར་འཐུལ་ཞེ་ན། སྨྲས་པ། སྤྲུལ་པ་པོའི་དབང་གིས་འགྱུར་ཏེ། གང་གི་ཚེ་སྤྲུལ་པ་པོ་འདི་སྙམ་དུ
290a4 སེམས་ཏེ། སྤྲུལ་པ་དུ་བར་འཐུལ་བར་གྱུར་ཅིག་སྙམ་པ་དེའི་ཚེ། དུ་བར་འཐུལ་བར་འགྱུར་ཏེ། རྒྱུ་དེས་ན་སྤྲུལ་པ་དུ་བར་འཐུལ་ལོ།། ཅིའི་ཕྱིར་སྤྲུལ་པ་མེར་འབར་ཞེ་ན། སྨྲས་པ། སྤྲུལ་པ་པོའི
290a5 དབང་གིས་འགྱུར་ཏེ། གང་གི་ཚེ་སྤྲུལ་པ་པོ་འདི་སྙམ་དུ་སེམས་ཏེ། ཀྱེ་མ་སྤྲུལ་པ་མེར་འབར་བར་གྱུར་ཅིག་སྙམ་པ་དེའི་ཚེ་མེར་འབར་འགྱུར་ཏེ། རྒྱུ་དེས་ན་སྤྲུལ་པ་མེར་འབར་རོ།། ཅིའི་ཕྱིར་སྤྲུལ་པ་རང
290a6 གི་གོས་དང་། རང་གི་ལུས་སྲེག་པར་བྱེད་ལ། གཞན་གྱི་གོས་དང་གཞན་གྱི་ལུས་སྲེག་པར་མི་བྱེད་ཅེ་ན། སྨྲས་པ། སྤྲུལ་པ་པོའི་དབང་གིས་འགྱུར་ཏེ། སྤྲུལ་པ་པོས་འདི་ཆོག་པར་གྱུར་ཅིག་སྙམ་དུ
290a7 བསམས་ན། དེ་ཚིག་པར་འགྱུར་ཏེ། རྒྱུ་དེས་ན་སྤྲུལ་པ་རང་གི་གོས་དང་། རང་གི་ལུས་སྲེག་པར་བྱེད་ཀྱི། གཞན་གྱི་ལུས་སྲེག་པར་མི་བྱེད་དོ།། ཅིའི་ཕྱིར་ཚེ་དང་ལྡན་པ་གྱང་བུ་ནོར་གྱིས་ནམ་མཁའ་ལ
iiif viewer powered by OpenSeadragon
