| e-texts navigator |
| Wylie |
289b1 དེ་ལ་སྐྱེས་ནས་ཐོབ་པ་གང་ཡིན་པ་དེ་ནི། སེམས་ཅན་དེའི་སེམས་ཀྱི་དབང་གིས་འགྱུར་ཞེས་བྱའོ།། བསྒོམས་པ་ལས་བྱུང་བ་གང་ཡིན་པ་དེ་ནི། སྤྲུལ་པ་པོའི་སེམས་ཀྱི་དབང་གིས་འགྱུར་ཞེས་བྱའོ།། བར
289b2 མ་དོའི་སྲིད་པ་འབྱུང་བ་ཆེན་པོ་བཞི་ལས་བྱུང་ཞེས་བྱ་འམ། འོན་ཏེ་འབྱུང་བ་ཆེན་པོ་བཞི་ལས་བྱུང་བ་མ་ཡིན་ཞེས་བྱ་ཞེ་ན། སྨྲས་པ། འབྱུང་བ་ཆེན་པོ་བཞི་ལས་བྱུང་བ་ཞེས་བྱའོ།། བར་མ་དོའི་སྲིད་པ་རྒྱུ་ལས
289b3 བྱུང་བའི་གཟུགས་ཅན་ཞེས་བྱ་འམ། འོན་ཏེ་རྒྱུ་ལས་བྱུང་བའི་གཟུགས་ཅན་མ་ཡིན་པ་ཞེས་བྱ་ཞེ་ན། སྨྲས་པ། རྒྱུ་ལས་བྱུང་བའི་གཟུགས་ཅན་ཞེས་བྱའོ།། བར་མ་དོའི་སྲིད་པ་སེམས་ཡོད་ཅེས་བྱ་འམ།
289b4 འོན་ཏེ་སེམས་མེད་པ་ཞེས་བྱ་ཞེ་ན། སྨྲས་པ། སེམས་ཡོད་པ་ཞེས་བྱའོ།། བར་མདོའི་སྲིད་པ་གང་གི་སེམས་ཀྱི་དབང་གིས་འགྱུར་ཞེས་བྱ་ཞེ་ན། སྨྲས་པ། རང་གི་སེམས་ཀྱི་དབང་གིས་འགྱུར་བ་ཞེས་བྱའོ།།
289b5 སྤྲུལ་པས་ཟོས་པ་གང་ཡིན་པ་དེ། སྤྲུལ་པའམ། སྤྲུལ་པ་པོ་གང་གི་ལྟོར་འཇུ་བར་འགྱུར་ཞེ་ན། སྨྲས་པ། སྤྲུལ་པ་ནི་རྣམ་པ་གཉིས་ཏེ། སྐྱེས་ནས་ཐོབ་པ་དང་། བསྒོམས་པས་བྱུང་བའོ།། དེ་ལ
289b6 སྐྱེས་ནས་ཐོབ་པས་ཟོས་པ་གང་ཡིན་པ་དེ་ནི་སྤྲུལ་པའི་ལྟོར་འཇུ་བར་འགྱུར་རོ། ། བསྒོམས་པ་ལས་བྱུང་བས་ཟོས་པ་གང་ཡིན་པ་དེ་ནི་སྤྲུལ་པ་པོའི་ལྟོར་འཇུ་བར་འགྱུར་རོ།། ཅི་སྤྲུལ་པ་མེད་པར་འགྱུར་བ་ཞེས་བྱ་འམ།
289b7 འོན་ཏེ་མེད་པར་འགྱུར་བ་མ་ཡིན་པ་ཞེས་བྱ་ཞེ་ན། སྨྲས་པ། སྤྲུལ་པ་ནི་རྣམ་པ་གཉིས་ཏེ། སྐྱེས་ནས་ཐོབ་པ་དང་། བསྒོམས་པ་ལས་བྱུང་བའོ།། དེ་ལ་བསྒོམས་པ་ལས་བྱུང་བ་གང་ཡིན་པ་དེ་ནི་མེད་པར
iiif viewer powered by OpenSeadragon
