| e-texts navigator |
| Wylie |
288a1 ཤས་མི་ཆེ་བ་དེ་དག་ལ་ནི་མེ་ཏོག་མེད་དེ། རྒྱུ་དེས་ན་ཤིང་ཁ་ཅིག་ལ་མེ་ཏོག་ཡོད་ལ། ཁ་ཅིག་ལ་མེ་ཏོག་མེད་དོ།། ཅིའི་ཕྱིར་ཤིང་ཁ་ཅིག་ལ་འབྲས་བུ་ཡོང་ལ། ཁ་ཅིག་ལ
288a2 འབྲས་བུ་མེད་པར་གྱུར་ཅེ་ན། སྨྲས་པ། ཤིང་གང་དག་ལ་རོའི་ཁམས་ཀྱི་ཤས་ཆེ་བ་དེ་དག་ལ་ནི་འབྲས་བུ་ཡོད་ལ། ཤིང་གང་དག་ལ་རོའི་ཁམས་ཀྱི་ཤས་ཆུང་བ་དེ་དག་ལ་ནི་འབྲས་བུ་མེད་དོ།། རྒྱུ
288a3 དེས་ན་ཤིང་ཁ་ཅིག་ལ་འབྲས་བུ་ཡོད་ལ། ཁ་ཅིག་ལ་འབྲས་བུ་མེད་དོ།། ཅིའི་ཕྱིར་མེ་ཏོག་ཁ་ཅིག་དྲི་ཞིམ་ལ། ཁ་ཅིག་མི་ཞིམ་པར་གྱུར་ཅེ་ན། སྨྲས་པ། མེ་ཏོག་གང་དག་ལ་ཁམས་བཟང་པོ
288a4 ཡོད་ལ། མེའི་ཁམས་ཀྱིས་མཚིག་པ་དེ་དག་ནི་དྲི་ཞིམ་མོ།། མེ་ཏོག་གང་དག་ལ་ཁམས་བཟང་པོ་ཡོད་ལ། མེའི་ཁམས་ཀྱིས་ཚིག་པ་དེ་དག་ནི་མི་ཞིམ་སྟེ། རྒྱུ་དེས་ན་མེ་ཏོག་ཁ་ཅིག་དྲི་ཞིམ
288a5 ལ། ཁ་ཅིག་དྲི་མི་ཞིམ་པར་གྱུར་ཏོ།། ཅིའི་ཕྱིར་འབྲས་བུ་ཁ་ཅིག་རོ་དང་ལྡན་ལ། ཁ་ཅིག་རོ་དང་མི་ལྡན་པར་གྱུར་ཅེ་ན། སྨྲས་པ། འབྲས་བུ་གང་དག་ལ་རོའི་ཁམས་ཡོད་ལ། མེའི་ཁམས
288a6 ཀྱིས་མི་ཚོགས་པ་དེ་དག་ནི་རོ་དང་ལྡན་ནོ། ། འབྲས་བུ་གང་དག་ལ་རོའི་ཁམས་ཡོད་ལ། མེའི་ཁམས་ཀྱིས་ཚིག་པ་དེ་དག་ནི་རོ་དང་མི་ལྡན་ཏེ། རྒྱུ་དེས་ན་འབྲས་བུ་ཁ་ཅིག་རོ་དང་ལྡན་ལ། ཁ་ཅིག་རོ།
288a7 དང་མི་ལྡན་པར་གྱུར་ཏོ།། ཁ་དོག་དང་ལྡན་པ་དང་། ཁ་དོག་དང་མི་ལྡན་པའང་དེ་དང་འདྲའོ།། ཆོས་མངོན་པའི་བསྟན་བཅོས་ཆེན་པོ་རྒྱུ་གདགས་པ་ལས་ཚིགས་བཅུ་པའོ།། སྡོམ་ནི
iiif viewer powered by OpenSeadragon
