| e-texts navigator |
| Wylie |
287b1 མེད་ལ། རི་གང་དག་གི་འོག་ན་ཉི་ཚེ་བའི་སེམས་ཅན་དམྱལ་བ་མེད་པ་དེ་དག་ལ་ནི་ཤིང་མང་པོ་དང་། རྩཝ་མང་པོ་ཡོད་དེ། རྒྱུ་དེས་ན་རི་ཁ་ཅིག་ལ་ནི་ཤིང་མང་པོ་དང་། རྩཝ་མང་པོ་ཡོད་ལ། རི་ཁ་ཅིག་ལ
287b2 ཤིང་མང་པོ་དང་། རྩ་མང་པོ་མེད་དོ།། ཅིའི་ཕྱིར་ཤིང་ཁ་ཅིག་ཆེ་ལ། ཁ་ཅིག་ཆུང་བར་གྱུར་ཅེ་ན། སྨྲས་པ། ཤིང་གང་དག་ལ་སའི་ཁམས་ཀྱི་མཐུ་ཆེན་པོ་ཡོད་པ་དང་། ཆུའི་ཁམས་ཆེ་བ་དང་།
287b3 མེའི་ཁམས་རན་པ་དང་། རླུང་གི་ཁམས་སྙོམས་པ་དེ་དག་ནི་ཆེའོ།། ཤིང་གང་དག་ལ་སའི་ཁམས་ཀྱི་མཐུ་ཆེན་པོ་མེད་པ་དང་། ཆུའི་ཁམས་ཆུང་བ་དང་། མེའི་ཁམས་མ་རན་པ་དང་། རླུང་གི
287b4 ཁམས་མ་སྙོམས་པ་དེ་དག་ནི་ཆུང་སྟེ། རྒྱུ་དེས་ན་ཤིང་ཁ་ཅིག་ཆེ་ལ། ཁ་ཅིག་ཆུང་བར་གྱུར་ཏོ།། ཅིའི་ཕྱིར་ཤིང་ཁ་ཅིག་གི་ལོ་མ་ཆེ་ལ། ཁ་ཅིག་ཆུང་བར་གྱུར་ཅེ་ན། སྨྲས་པ། ཤིང་གང་དག་སའི
287b5 ཁམས་ཀྱི་མཐུ་ཆེན་པོ་ཡོད་པ་དང་། ཆུའི་ཁམས་ཆེ་བ་དང་། མེའི་ཁམས་རན་པ་དང་། རླུང་གི་ཁམས་སྙོམས་པ་དེ་དག་གི་ལོ་མ་ནི་ཆེ་ལ། ཤིང་གང་དག་ལ་སའི་ཁམས་ཀྱི་མཐུ་ཆེན་པོ་མེད་པ
287b6 དང་། ཆུའི་ཁམས་ཆུང་བ་དང་། མེའི་ཁམས་མ་རན་པ་དང་། རླུང་གི་ཁམས་མ་སྙོམས་པ་དེ་དག་གི་ལོ་མ་ནི་ཆུང་སྟེ། རྒྱུ་དེས་ན་ཤིང་ཁ་ཅིག་གི་ལོ་མེ་ཆེ་ལ། ཁ་ཅིག་གི་ལོ་མ་ཆུང་ངོ་།། ཅིའི
287b7 ཕྱིར་ཤིང་ཁ་ཅིག་ལ་མེ་ཏོག་ཡོད་ལ། ཁ་ཅིག་ལ་མེ་ཏོག་མེད་པར་གྱུར་ཅེ་ན། སྨྲས་པ། ཤིང་གང་དག་ཁམས་བཟང་པོའི་ཤས་ཆེ་བ་དེ་དག་ལ་མེ་ཏོག་ཡོད་དོ།། ཤིང་གང་དག་ལ་ཁམས་བཟང་པོར།
iiif viewer powered by OpenSeadragon
