| e-texts navigator |
| Wylie |
286a1 སེམས་ཅན་གང་དག་ཉོན་མོངས་པའི་ཤས་ཆེ་བ་དེ་དག་གི་ཕྱི་བཞིན་དུ་མི་འབྲང་ཞིང་། ཕྱིན་མི་འདུག་པའི་ཕྱིར་ཏེ། རྒྱུ་དེས་ན་ཉོན་མོངས་པའི་ཤས་ཆེ་བར་མི་འགྱུར་རོ།། ཅིའི་ཕྱིར།
286a2 དགེ་བའི་རྩ་བའི་ཆོས་རྣམས་ལ་བརྟག་པའི་བཟོད་པ་མྱུར་བར་མི་འགྱུར་ཞེ་ན། སྨྲས་པ། དེས་འདི་ལྟ་སྟེ། དོན་རྣམ་པར་ངེས་པར་ཆོས་རྣམས་ལ་མཚན་མ་ལེགས་པར་མ་བཟུང་སྟེ། རྒྱུ་དེས་ན་དགེ་བའི
286a3 རྩ་བའི་ཆོས་རྣམས་ལ་བརྟགས་པའི་བཟོད་པ་མྱུར་བར་མི་འགྱུར་རོ། ། ཅིའི་ཕྱིར་དགེ་བའི་རྩ་བའི་ཆོས་རྣམས་ལ་བརྟག་པའི་བཟོད་པ་མྱུར་བར་འགྱུར་ཞེ་ན། སྨྲས་པ། དེས་འདི་ལྟ་སྟེ། དོན་རྣམ
286a4 པར་ངེས་པའི་ཆོས་རྣམས་ལ་མཚན་མ་ལེགས་པར་བཟུང་སྟེ། རྒྱུ་དེས་ན་དགེ་བའི་རྩ་བའི་ཆོས་རྣམས་ལ་བརྟག་པའི་བཟོད་པ་མྱུར་བར་འགྱུར་རོ།། ཆོས་མངོན་པའི་བསྟན་བཅོས་ཆེན་པོ་རྒྱུ་གདགས་པ
286a5 ལས་ཚིགས་དགུ་པའོ། ། སྡོམ་ནི། ལྷུན་པོ་དང་ནི་ཕྱོགས་དངས། རི་རྣམས་དང་ནི་རྩཝ་མང་བ། ཤིང་ཆེ་བ་དང་པོ་མ་རྣམས།། མེ་ཏོག་འབྲས་བུ་ཕུན་སུམ་ཚོགས།། ཅིའི་ཕྱིར
286a6 ཐམས་ཅད་ཀྱི་ནང་ན་རིའི་རྒྱལ་པོ་རི་རབ་མཆོག་ཅེས་བྱ་ཞེ་ན། སྨྲས་པ། འཇིག་རྟེན་འཆགས་པའི་ཚེ་རྒྱུའི་མཆོག་དང་། སྙིང་པོའི་མཆོག་དང་། བཟང་པོའི་མཆོག་དང་། ཟོང་གི་མཆོག་དེ་དེའི་ཕྱོགས
286a7 སུ་འདུས་ནས་དེ་ལས་དེ་གྲུབ་སྟེ། རྒྱུ་དེས་ན་རི་ཐམས་ཅད་ཀྱི་ནང་ན་རེའི་རྒྱལ་པོ་རི་རབ་མཆོག་ཅེས་བྱའོ།། ཅིའི་ཕྱིར་བྱང་ཕྱོགས་ན་ཤིང་མང་བ་དང་། རྩཝ་མང་བར་གྱུར་ཅེ་ན། སྨྲས་པ། འཇིག་རྟེན་འཆགས
iiif viewer powered by OpenSeadragon
