| e-texts navigator |
| Wylie |
282b1 བདག་རྣམས་དང་། གཟུགས་དང་གཟུགས་མེད་པ་ན་སྤྱོད་པའི་ལྷ་རྣམས་ཏེ། རྒྱུ་དེས་ན་གཉིད་ཆེ་བར་མི་འགྱུར་རོ།། ཅིའི་ཕྱིར་གཏུམ་པར་འགྱུར་ཞེ་ན། སྨྲས་པ། དེས་གཏུམ་པ་ཀུན་ཏུ་བསྟེན
282b2 ཅིང་བསྒོམས་ལ་མང་དུ་བྱས་ཏེ། འདི་ལྟ་སྟེ། དབྱུག་པ་ཀུན་ཏུ་སྤྱད་པ་དང་། མཚོན་ཆ་ཀུན་ཏུ་སྤྱད་པ་དང་། ལག་ཆ་ཀུན་ཏུ་སྤྱད་པ་དང་། དེས་གཏུམ་པ་མེད་པ་ཀུན་ཏུ་མ་བསྟེན་ཅིང་མ
282b3 བསྒོམས་ལ་མང་དུ་མ་བྱས་ཏེ། འདི་ལྟ་སྟེ། དབྱུག་པ་མེད་པ་ཀུན་ཏུ་མ་སྤྱད་པ་དང་། མཚོན་ཆ་མེད་པ་ཀུན་ཏུ་མ་སྤྱད་པ་དང་། ལག་ཆ་མེད་པ་ཀུན་ཏུ་མ་སྤྱད་པའོ།། གཞན་ཡང་སེམས
282b4 ཅན་གང་དག་གཏུམ་པ་རྣམས་ཀྱི་ནང་ནས། ཉེ་ཞིང་དུ་བས་ཉེ་བར་ཤི་འཕོས་པ་རྣམས་ཡིན་ཏེ། དེ་དག་ཀྱང་གང་ཞེ་ན། འདི་ལྟ་སྟེ། ལུག་གསོད་པ་རྣམས་དང་། བྱ་བ་རྣམས་དང་།
282b5 ཉ་པ་རྣམས་དང་། རི་དགས་ཀྱི་རྔོན་པ་རྣམས་དང་། ཆོམ་རྐུན་པ་རྣམས་དང་། གཤེད་མ་རྣམས་དང་། འཐབ་གཅུགས་བྱེད་པ་རྣམས་དང་། རྟ་དང་། གླང་པོ་ཆེ་འདུལ་བ་རྣམས་དང་།། གནོད
282b6 པ་བྱེད་པ་རྣམས་དང་། བཙོན་སྲུངས་རྣམས་ཏེ། རྒྱུ་དེས་ན་གཏུམ་པོར་འགྱུར་རོ།། ཅིའི་ཕྱིར་གཏུམ་པོར་མི་འགྱུར་ཞེ་ན། སྨྲས་པ། དེས་མི་གཏུམ་པ་ཀུན་ཏུ་བསྟེན་ཅིང་བསྒོམས་ལ་མང
282b7 དུ་བྱས་ཏེ། འདི་ལྟ་སྟེ། དབྱུག་པ་ཀུན་ཏུ་མ་སྤྱད་པ་དང་། མཚོན་ཆ་ཀུན་ཏུ་མ་སྤྱད་པ་དང་། ལག་ཆ་ཀུན་ཏུ་མ་སྤྱད་པ་དང་། དེས་གཏུམ་པ་ཀུན་ཏུ་མ་བསྟེན་ཅིང་མ་བསྒོམས་ལ་མང་དུ
iiif viewer powered by OpenSeadragon
