| e-texts navigator |
| Wylie |
282a1 ཆགས་བུ་ལུ་ཀ་ལ་སོགས་པའི་མིག་གི་མིའུ་རུས་པ་ལས་གྲུབ་པ་ཡིན་པས། ཆུ་ཡང་མི་གནོད་སྐམ་སའང་མི་གནོད་དེ། རྒྱུ་དེས་ན་ཞེས་བྱ་བ་ནས། རྒྱས་པར་སྦྱར
282a2 རོ། ། ཆོས་མངོན་པའི་བསྟན་བཅོས་ཆེན་པོ་ནུ་གདགས་པ་ལས་ཚིགས་བརྒྱད་པའོ།། སྡོམ་ནི། གཉིད་དང་གཏུམ་དང་རྒོད་པ་དང་།། སྨྲ་འདོད་སྨྲ་ཉུང་ཡིད་གཞུངས་པ།
282a3 འཛིན་པ་དང་ནི་དྲན་པ་དང་།། ཉོན་མོངས་པ་དང་རྟོག་པ་མྱུར།། ཅིའི་ཕྱིར་གཉིད་ཆེ་བར་འགྱུར་ཞེ་ན། སྨྲས་པ། དེས་གཉིད་ཀུན་བསྟེན་ཅིང་བསྒོམས་ཏེ་མང་དུ་བྱས་པ་དང་། དེས་སྣང་བའི་འདུ་ཤེས
282a4 ཀྱང་ཀུན་ཏུ་མ་བསྟེན་ཅིང་མ་བསྒོམས་ཏེ། མང་དུ་མ་བྱས་པའི་ཕྱིར་རོ།། གཞན་ཡང་སེམས་ཅན་གང་དག་གཉིད་ཆེ་བ་རྣམས་ཀྱི་ནང་ནས། ཉེ་ཞིང་དུ་བས་ཉེ་བར་ཤི་འཕོས་པ་རྣམས་ཡིན་ཏེ། དེ་དག
282a5 ཀྱང་གང་ཞེ་ན། འདི་ལྟ་སྟེ། སྦྲུལ་དང་། སྦྲུལ་ཆེན་པོ་དང་། ཀླུ་དང་། བམ་པོ་དྷ་རྣམས་ཏེ། རྒྱུ་དེས་ན་གཉིད་ཆེ་བར་འགྱུར་རོ།། ཅིའི་ཕྱིར་གཉིད་ཆེ་བར་མི་འགྱུར་ཞེ་ན། སྨྲས་པ། དེས
282a6 སྣང་བའི་འདུ་ཤེས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། དེས་རྨུགས་པ་དང་གཉིད་ཀུན་ཏུ་མ་བསྟེན་ཅིང་མ་བསྒོམས་ཏེ། མང་དུ་མ་བྱས་པའི་ཕྱིར་རོ།། གཞན་ཡང་སེམས་ཅན་གང
282a7 དག་གཉིད་མི་ཆེ་བ་རྣམས་ཀྱི་ནང་ནས། ཉེ་ཞིང་དུ་བས་ཉེ་བར་ཤི་འཕོས་པ་རྣམས་ཡིན་ཏེ། དེ་དག་ཀྱང་གང་ཞེ་ན། འདི་ལྟ་སྟེ། དྲང་སྲོང་རྣམས་དང་། རབ་ཏུ་བྱུང་བ་རྣམས་དང་། ཁྱིམ
iiif viewer powered by OpenSeadragon
