| e-texts navigator |
| Wylie |
281a1 འགགས་ཏེ། དེས་ཟོས་པ་དེ་ཆུ་དེས་སྲུལ་བར་མི་བྱེད། མེས་ཡོངས་སུ་ཚོས་པར་མི་བྱེད། རླུང་གིས་རྣམ་པར་སློང་བར་མི་བྱེད་པས་ན། དེས་ཟོས་པ་དེ་ཞུ་བར་མི
281a2 འགྱུར་ཏེ། རྒྱུ་དེས་ན་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་འཚོ་ཞིང་གསོན་ལ་འདུག་ཅིང་སྡོད་པའི་ལུས་མི་འདྲུལ་ལ། ཤི་སྟེ་ཤི་བར་གྱུར་པའི་ལུས་འདྲུལ་བར་འགྱུར་ཞེ་ན། སྨྲས
281a3 པ། འཚོ་ཞིང་གསོན་ཏེ་འདུག་ཅིང་སྡོད་པ་ནི་ཁོང་ན་འདུག་པའི་མེའི་ཁམས་དང་། རླུང་གི་ཁམས་གཉིས་མ་འགགས་ཏེ། དེའི་འཐུན་པའི་ཆུའི་ཁམས་དེ་ཟད་པར་བྱེད་པས་ན། དེའི་ལུས
281a4 མི་འདྲུལ་ལོ། ། ཤི་སྟེ་ཤི་བར་གྱུར་པའི་ཁོང་ན་འདུག་པ་ནི་མེའི་ཁམས་དང་། རླུང་གི་ཁམས་འགགས་ཏེ། དེའི་འཐུན་པའི་ཆུའི་ཁམས་དེ་ཟད་པར་མི་བྱེད་པས་ན། དེས་ལུས་འདྲུལ་བར
281a5 འགྱུར་ཏེ། རྒྱུ་དེས་ན་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་འཚེ་ཞིང་གསོན་ཏེ་འདུག་ཅིང་སྡོད་པ་ལ་དབུགས་རྔུབ་པ་དང་། དབུགས་འབྱུང་བ་ཡོད་ལ། ཤི་སྟེ་ཤི་བར་གྱུར་པ་ལ
281a6 མེད་ཅེ་ན། སྨྲས་པ། དབུགས་རྔུབ་པ་དང་དབུགས་འབྱུང་བ་རྣམས་ནི་སེམས་ལ་རག་ལས་པ་ཡིན་ཏེ། འཚོ་ཞིང་གསོན་ཏེ་འདུག་ཅིང་སྡོད་པའི་ལུས་སེམས་དང་བཅས་ཡིན་ལ། ཤི་བའི།།
281a7 ལུས་ནི་སེམས་མེད་དེ། རྒྱུ་དེས་ན་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་འུག་པ་རྣམས་མཚན་མོ་མཐོང་ལ། ཉིན་མི་མཐོང་ཞེ་ན། སྨྲས་པ། འུག་པ་རྣམས་ཀྱི་མིག་གི
iiif viewer powered by OpenSeadragon
