| e-texts navigator |
| Wylie |
279b1 མེད་ཕྱིར་མི་སྣང་གི། ཡོད་པའི་ཕྱིར་ནི་མ་ཡིན་ཏེ། གང་གི་ཕྱིར་མ་རིག་པ་དང་ལྡན་པའི་སེམས་ཅན་རྣམས་འདི་སྙམ་དུ་སེམས་ཏེ། བདག་ཅག་འདས་པའི་དུས་ན་བྱུང་བར་གྱུར་ཏེ། བདག
279b2 ཅག་འདས་པའི་དུས་ན་མ་བྱུང་བ་མ་ཡིན་ནོ་སྙམ་དུ་སེམས་ན་ནི། དེའི་ཚེ་རྟག་པར་འགྱུར་རོ།། གང་གི་ཕྱིར་དེ་དག་འདི་སྙམ་དུ་སེམས་ཏེ། འདས་པའི་དུས་ན་བདག་ཅག་མ་བྱུང་ངོ་སྙམ་དུ་སེམས་ན
279b3 ནི། དེའི་ཚེ་ཆད་པར་ལྷུང་བར་འགྱུར་རོ།། འདུ་བྱེད་ཐམས་ཅད་ནི་རྒྱུ་དང་བཅས་པ་ཡིན་ཏེ། འདུ་བྱེད་འདི་རྣམས་ཀྱི་རྒྱུ་ནི་སྔོན་གྱི་འདུ་བྱེད་འདི་རྣམས་ཡིན། འདུ་བྱེད་དེ་རྣམས་ཀྱི་རྒྱུ་ཡང་སྔ།
279b4 རོལ་གྱི་འདུ་བྱེད་རྣམས་ཡིན་ན། གལ་ཏེ་སྔོན་གྱི་མཐའ་མངོན་པར་གྱུར་ན། དང་པོའི་འདུ་བྱེད་གང་ཡིན་པ་དེ་དག་རྒྱུ་མེད་པ་ལས་བྱུང་བར་འགྱུར་རོ།། ཅིའི་ཕྱིར་འདོད་ཆགས་དང་མ་བྲལ་བ་ཤི
279b5 བར་གྱུར་ཏེ། གལ་ཏེ་ལུས་མེས་བསྲེགས་ན། དེའི་ལུས་ལ་དྲི་ང་བ་འབྱུང་ལ། འདོད་ཆགས་དང་བྲལ་བ་ཤི་བར་གྱུར་ཏེ། གལ་ཏེ་ལུས་མེས་བསྲེགས་ན། དེའི་ལུས་ལས་དྲི་ང་བ་མི་འབྱུང
279b6 ཞེ་ན། སྨྲས་པ། འདོད་ཆགས་དང་མ་བྲལ་བ་འཆི་ན་ནི། མི་གཙང་བ་འབྱུང་ཞིང་ཁུ་ཆུ་འབྱུང་བར་འགྱུར་ཏེ། དེའི་མི་གཙང་བས་ལུས་ཀྱི་དབང་པོ་ཐམས་ཅད་ཆུབ་པར་འགྱུར་ཏེ། གལ་ཏོ
279b7 མེར་བསྲེགས་ན། དེའི་ལུས་ལས་དྲི་ང་བ་འབྱུང་ལ། ལྷ་དབང་ཆེ་བར་གྲགས་པ་རྣམས་ཀྱང་ལུས་ལ་མཆོད་ཅིང་། དེའི་ལུས་ཀྱི་དྲི་ང་བ་བསལ་བའི་ཕྱིར་ཤས་ཆེར་སྤོ་བར་མི་བྱེད་དོ།། འདོད
iiif viewer powered by OpenSeadragon
