| e-texts navigator |
| Wylie |
279a1 ཏེ་མང་དུ་མ་བྱས་པ་དང་། དེ་བཞིན་དུ་ཟས་ཀྱི་ཚོད་རིག་པ་དང་། ནམ་གྱི་ཆ་སྟོད་དང་ནམ་གྱི་ཆ་སྨད་མི་ཉལ་བ་ལ་བརྩོན་པ་དང་། ཞི་གནས་བསྒོམ་པ་ལ་བརྩོན་པ་དང་། ལྷག
279a2 མཐོང་བསྒོམས་པ་ལ་བརྩོན་པ་དང་། དེས་རིགས་པ་དང་ལྡན་པ་ཡིད་ལ་བྱེད་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། རིགས་པ་དང་ལྡན་པ་མ་ཡིན་པ་ཡིད་ལ་བྱེད་པ་ཀུན་ཏུ་མ་བསྟེན
279a3 ཅིང་མ་བསྒོམས་ཏེ་མང་དུ་མ་བྱས་པའི་ཕྱིར་རོ། ། གཞན་ཡང་སེམས་ཅན་གང་དག་གཏི་མུག་གི་ཤས་ཆེ་བ་མ་ཡིན་པ་དེ་དག་གི་ནང་ནས་ཉེ་ཞིང་དུ་བས་ཉེ་བར་ཤི་འཕོས་པ་རྣམས་ཏེ། དེ་དག་ཀྱང་གང
279a4 ཞེ་ན། འདི་ལྟ་སྟེ། དྲང་སྲོང་རྣམས་དང་། རབ་ཏུ་བྱུང་བ་རྣམས་དང་། ཁྱིམ་བདག་རྣམས་དང་། གཟུགས་དང་གཟུགས་མེད་པ་ན་སྤྱོད་པའི་ལྷ་རྣམས་ཏེ། རྒྱུ་དེས་ན་གཏི་མུག་གི་ཤས་ཆེ་བར་མི
279a5 འགྱུར་རོ། ། ཆོས་མངོན་པའི་བསྟན་བཅོས་ཆེན་པོ་རྒྱུ་གདགས་པ་ལས་ཚིགས་བདུན་པའོ།། སྡོམ་ནི། མཐའ་དང་དྲིང་རེངས་པ་དང་། གྱེན་དུ་འབྱུང་དང་ལྕི་དང་འཇུ།། འདྲུལ་དང
279a6 དབུགས་རྒྱུ་ཉིན་མཚན་དང་། ། ཉ་དང་སྐམ་ས་རུས་སྦལ་རྣམས།། བཅོམ་ལྡན་འདས་ཀྱིས་དགེ་སློང་དག་སྲིད་པའི་སྲེད་པའི་སྔོན་གྱི་མཐའ་མི་མངོན་ལ། སྲིད་པའི་སྲེད་པ་འདི་ནས་སྔོན་ཆད་མ་བྱུང་བ
279a7 ཞིག་འདི་ནས་ཕྱིན་ཆད་འབྱུང་བ་མ་ཡིན་ཏེ། གང་གི་རྐྱེན་གྱིས་བྱུང་བའི་སྲིད་པའི་སྲེད་པ་ནི་མི་མངོན་པ་ཁོ་ནའོ་ཞེས་གསུངས་པ་ལ་ཅི་ཡོད་དེ་མི་སྣང་ངམ། འོན་ཏེ་མེད་དེ་མི་སྣང་ཞེ་ན། སྨྲས་པ།
iiif viewer powered by OpenSeadragon
