| e-texts navigator |
| Wylie |
278b1 མུག་གི་ཤས་ཆེ་བར་མི་འགྱུར་ཞེ་ན། སྨྲས་པ། དེས་གཏི་མུག་མེད་པའི་དགེ་བའི་རྩ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། གཏི་མུག་མི་དགེ་བའི་རྩ་བ་ཀུན་ཏུ་མ་བསྟེན་ཅིང་མ་བསྒོམ
278b2 ཏེ་མང་དུ་མ་བྱས་པའི་ཕྱིར་རོ། ། གཞན་ཡང་དེས་རྣམ་པར་འཚེ་བ་མེད་པའི་འདུ་ཤེས་དང་། རྣམ་པར་འཚེ་བ་མེད་པའི་ཁམས་དང་། རྣམ་པར་འཚེ་བ་མེད་པའི་རྟོག་པ་ཀུན་ཏུ་བསྟེན་ཅིང་བསྒོམས་ཏེ།
278b3 མང་དུ་བྱས་པ་དང་། རྣམ་པར་འཚེ་བའི་འདུ་ཤེས་དང་། རྣམ་པར་འཚེ་བའི་ཁམས་དང་། རྣམ་པར་འཚེ་བའི་རྟོག་པ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པའི་ཕྱིར་རོ།། གཞན
278b4 ཡང་དེས་ལྟ་བར་གྱུར་པ་རྣམས་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པ་དང་། དགེ་མཚན་དང་བཀྲ་ཤིས་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པ་དང་། རྐྱེན་འདི་པ་ཉིད་ཀྱི་རྟེན
278b5 ཅིང་འབྲེལ་པར་འབྱུང་བའི་རྒྱུད་ལ་ཞུགས་པ་དང་། ཉེ་བར་ལེན་པའི་ཕུང་པོ་ལྔ་ལ་འདི་ལྟ་སྟེ། འདི་ནི་གཟུགས་སོ།། འདི་ནི་གཟུགས་ཀྱི་ཀུན་འབྱུང་བའོ།། འདི་ནི་གཟུགས་ཀྱི་ནུབ་པའོ།། འདི་ནི
278b6 ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའོ།། འདི་ནི་རྣམ་པར་ཤེས་པའི་ཀུན་འབྱུང་བའོ།། འདི་ནི་རྣམ་པར་ཤེས་པའི་ནུབ་པའོ་ཞེས་སྐྱེ་བ་དང་། འཇིག་པ་མཐོང་བས
278b7 རྒྱུན་དུ་གནས་པ་དང་། གཞན་ཡང་དེས་དབང་པོའི་སྒོ་རྣམས་བསྡམས་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། དབང་པོའི་སྒོ་རྣམས་མ་བསྡམས་པ་ཀུན་ཏུ་མ་བསྟེན་ཅིང་མ་བསྒོམ
iiif viewer powered by OpenSeadragon
