| e-texts navigator |
| Wylie |
276b1 ཡང་དེས་ལྟ་བར་གྱུར་པ་རྣམས་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། དགེ་མཚན་དང་བཀྲ་ཤིས་རྟག་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། རྐྱེན་འདི་པ་ཉིད་ཀྱི་རྟེན་ཅིང
276b2 འབྲེལ་པར་འབྱུང་བའི་རྒྱུད་ལ་མ་ཞུགས་པ་དང་། ཉེ་བར་ལེན་པའི་ཕུང་པོ་ལྔ་ལ་འདི་ལྟ་སྟེ། འདི་ནི་གཟུགས་སོ།། འདི་ནི་གཟུགས་ཀུན་འབྱུང་བའོ།། འདི་ནི་གཟུགས་ཀྱི་ནུབ་པའོ།། འདི་ནི
276b3 ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པའི་ཀུན་འབྱུང་བའོ།། འདི་ནི་རྣམ་པར་ཤེས་པའི་ནུབ་པའོ་ཞེས་སྐྱེ་བ་དང་འཇིག་པ་མཐོང་བས་རྒྱུན་དུ་མི་གནས་པའོ།། གཞན་ཡང
276b4 དེས་དབང་པོའི་སྒོ་རྣམས་མ་བསྡམས་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། དབང་པོའི་སྒོ་རྣམས་བསྡམས་པ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པ་དང་། དེ་བཞིན
276b5 དུ་ཟས་ཀྱི་ཚེད་མ་རིག་པ་དང་། ནམ་གྱི་ཆ་སྟོད་དང་ནམ་གྱི་ཆ་སྨད་ལ་མི་ཉལ་བ་ལ་མི་བརྩོན་པ་དང་། ཞི་གནས་བསྒོམ་པ་ལ་མི་བརྩོན་པ་དང་། ལྷག་མཐོང་བསྒོམ་པ་ལ་མི་བརྩོན་པ་དང་། དེས
276b6 རིགས་པ་དང་ལྡན་པ་མ་ཡིན་པ་ཡིད་ལ་བྱེད་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། རིགས་པ་དང་ལྡན་པ་ཡིད་ལ་བྱེད་པ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པའི
276b7 ཕྱིར་རོ། ། གཞན་ཡང་སེམས་ཅན་གང་དག་གཏི་མུག་གི་ཤས་ཆེ་བ་དེ་དག་གི་ནང་ནས་ཉེ་ཞིང་དུ་བས་ཉེ་བར་ཤི་འཕོས་པ་རྣམས་ཡིན་ཏེ། དེ་དག་ཀྱང་གང་ཞེ་ན། འདི་ལྟ་སྟེ། གླང་པོ་ཆེ་དང་། རྟ་དང་།
iiif viewer powered by OpenSeadragon
