| e-texts navigator |
| Wylie |
275b1 སྨད་འཚོང་མའི་གཙོ་མོ་དང་། འདོད་པ་ན་སྨོད་པའི་ལྷ་རྣམས་ཏེ། རྒྱ་དེས་ན་འདོད་ཆགས་ཀྱི་ཤས་ཆེ་བར་འགྱུར་རོ།། ཅིའི་ཕྱིར་ཞེ་སྡང་གི་ཤས་ཆེ་བར་འགྱུར་ཞེ་ན། སྨྲས་པ། དེས་ཞེ་སྡང
275b2 མི་དགེ་བའི་རྩ་བ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། ཞེ་སྡང་མེད་པའི་དགེ་བའི་རྩ་བ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པའི་ཕྱིར་རོ།། གཞན་ཡང་དེས་གནོད་སེམས་ཀྱི
275b3 འདུ་ཤེས་དང་། གནོད་སེམས་ཀྱི་ཁམས་དང་། གནོད་སེམས་ཀྱི་རྟོག་པ་ཀུན་ཏུ་བསྟེན་ཅིང་བསྒོམས་ཏེ་མང་དུ་བྱས་པ་དང་། གནོད་སེམས་མེད་པའི་འདུ་ཤེས་དང་། གནོད་སེམས་མེད་པའི
275b4 ཁམས་དང་། གནོད་སེམས་མེད་པའི་རྟོག་པ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པའི་ཕྱིར་རོ།། གཞན་ཡང་དེས་གནས་མ་ཡིན་པར་འཁྲུག་པ་ཀུན་ཏུ་བསྟེན་ཅིང་བསྒོམས་ཏེ་མང
275b5 དུ་བྱས་པ་དང་། བྱམས་པའི་སེམས་ཀྱི་ཏིང་ངེ་འཛིན་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པའི་ཕྱིར་རོ།། གཞན་ཡང་དེས་ཀུན་ནས་མནར་སེམས་ཀྱི་གཞི་རྣམ་པ་དགུ་ཀུན་ཏུ་བསྟེན
275b6 ཙཅིང་བསྒོམས་ཏེ་མང་དུ་བྱས་པ་དང་། ཀུན་ནས་མ་ནར་སེམས་འདུལ་བ་རྣམ་པ་དགུ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པའི་ཕྱིར་རོ།། གཞན་ཡང་དེས་དབང་པོའི་སྒོ་རྣམས་མ་བསྡམས
275b7 པ་ཀུན་ཏུ་བསྟེན་ཅིང་བསྒོམས་པ་ཀུན་ཏུ་བསྒོམས་ཏེ་མང་དུ་བྱས་པ་དང་། དབང་པོའི་སྒོ་རྣམས་བསྡམས་པ་ཀུན་ཏུ་མ་བསྟེན་ཅིང་མ་བསྒོམས་ཏེ་མང་དུ་མ་བྱས་པ་དང་། དེ་བཞིན་དུ་ཟས་ཀྱི་ཚེད་མ
iiif viewer powered by OpenSeadragon
