| e-texts navigator |
| Wylie |
274a1 གྱིས་ནོན་ཏེ། ལུས་ཀྱིས་ཉེས་པར་སྤྱོད་པ་སྤྱད་ཅིང་ངག་དང་ཡིད་ཀྱིས་ཉེས་པར་སྤྱད་པ་སྤྱོད་པ་དེ་ནི། ལུས་ཀྱིས་ཉེས་པར་སྤྱོད་པ་སྤྱད་ཅིང་ངག་དང་ཡིད་ཀྱིས་ཉེས་པར
274a2 སྤྱོད་པ་སྤྱད་ནས། རྒྱུ་དེ་དང་རྐྱེན་དེས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་འགྱུར་རོ།། དགེ་སློང་དག་དེ་ལྟ་བས་ན་འདོད་ཆགས
274a3 དང་། ཞེ་སྡང་དང་། གཏི་མུག་ནི་ནང་གི་དྲི་མ་དང་། ནང་གི་དགྲ་ཟླ་དང་། ནང་གི་ཕྱིར་རྒོལ་བ་དང་། ནང་གི་དགྲ་བོ་ཡིན་ནོ།། བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ
274a4 བར་གཤེགས་པས་དེ་སྐད་ཅེས་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ།། ཆགས་པ་ཡིས་ནི་དོན་མི་ཤེས།། ཆགས་པ་ཡིས་ནི་ཆོས་མི་མཐོང་།། མི་གང་འདོད
274a5 ཆགས་དང་དུ་ལེན། ། དེ་ནི་མུན་པ་མུན་ནག་འགྲོ།། འདོད་ཆགས་གནོད་པ་སྐྱེས་པ་སྟེ།། འདོད་ཆགས་སེམས་ནི་ཆགས་པར་བྱེད།། ནང་ནས་འཇིགས་པ་སྐྱེས་གྱུར་པ།། དེ་ནི་སྐྱེ་བོས་མི་རྟོགས
274a6 སོ། ། གང་གིས་འདིར་ནི་འདོད་སྤངས་ནས།། ཆགས་པར་འགྱུར་ལ་ཆགས་མི་བྱེད།། པདྨ་ལས་ནི་ཆུ་ཐིགས་བཞིན།། དེ་ཡི་འདོད་ཆགས་ལྡོག་པར་འགྱུར།། ཞེ་སྡང་བས་ནི་དོན་མི་ཤེས
274a7 ཞེ་སྡང་བས་ནི་ཆོས་མི་མཐོང་། ། མི་གང་ཞེ་སྡང་དང་དུ་ལེན།། དེ་ནི་མུན་པ་མུན་ནག་འགྲོ།། ཞེ་སྡང་གནོད་པ་སྐྱེས་པ་སྟེ།། ཞེ་སྡང་སེམས་ནི་སྡང་བར་བྱེད།། ནང་ནས་འཇིགས་པ་སྐྱེས་གྱུར།
iiif viewer powered by OpenSeadragon
