| e-texts navigator |
| Wylie |
273b1 ཕྱིར་སེམས་ཅན་དམྱལ་བ་པའི་སེམས་ཅན་གནོད་པ་དྲག་པོ་མི་བཟད་པ་དག་གིས་བཏགས་པ་རྣམས་ལ་བར་མ་དོར་འཆི་བ་མེད་ཅེ་ན། ལས་ཀྱི་རྣམ་པར་སྨིན་པས་ཉེ་བར་བརྟན་པའི་ཕྱིར་ཏེ།
273b2 སྲིད་དུ་དེ་དག་གི་སྡུག་བསྔལ་མྱོང་བར་འགྱུར་བའི་ལས་ཀྱི་རྣམ་པར་སྨིན་པ་ཡོངས་སུ་མ་ཟད་ཀྱི་བར་དུ་བར་མ་དོར་འཆི་བ་མེད་དོ།། རྒྱུ་དེས་ན་སེམས་ཅན་དམྱལ་བ་པའི་སེམས་ཅན་གནོད་པ་དྲག་པོ་མི
273b3 བཟད་པས་བཏགས་པ་རྣམས་ལ་བར་མ་དོར་འཆི་བ་མེད་དོ། ། ཆོས་མངོན་པའི་བསྟན་བཅོས་ཆེན་པོ་རྒྱུ་གདགས་པ་ལས་ཚིགས་དྲུག་པའོ།། །། རྒྱུ་གདགས་པ
273b4 བམ་པོ་ལྔ་པ། གླེང་གཞི་ནི་མཉན་ཡོད་ན་སྟེ། དགེ་སློང་དག་གསུམ་པོ་འདི་དག་ནི་ནང་གི་དྲི་མ་དང་། ནང་གི་དགྲ་ཟླ་དང་། ནང་གི་ཕྱིར་རྒོལ་བ་དང་། ནང་གི་དགྲ་བོ་ཡིན་ཏེ།
273b5 གསུམ་པོ་གང་ཞེ་ན། འདི་ལྟ་སྟེ། འདོད་ཆགས་དང་། ཞེ་སྡང་དང་། གཏི་མུག་རྣམས་སོ།། དགེ་སློང་དག་ཅིའི་ཕྱིར་འདོད་ཆགས་ནང་གི་དྲི་མ་དང་། ནང་གི་དགྲ་ཟླ་དང་། ནང་གི་ཕྱིར
273b6 རྣམ་པ་དང་། ནང་གི་དག་ཟོ་ཡིན་ཞེན། དགེ་སློང་དག་དགྲས་ནི་དཔྲལ། ཡང་ན་ནི་ལོངས་སྤྱོད་ལས་ཉམས་པར་བྱེད། ཡང་ན་ནི་གཏན་དུ་གསོད་པར་བྱེད་པ་ཁོ་ནར་བདན། དེནིརྗེ
273b7 རྒྱུ་དང་དེའི་རྐྱེན་གྱིས་ལུས་ཞིག་ནས་ཤི་བའི་འོག་ཏུ་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་རྣམས་སུ་སྐྱེ་བར་མི་འགྱུར་གྱི། དགེ་སློང་དག་ཆགས་ཤིང་འདོད་ཆགས་ཀྱིས་ཟིལ
iiif viewer powered by OpenSeadragon
