| e-texts navigator |
| Wylie |
272a1 འདུལ་འདི་ལ་སྤྱོད་བྱེད་པ། ། སྐྱེ་བུའི་འཁོར་བ་རབ་སྤངས་ནས།། སྡུག་བསྔལ་མཐའ་མར་འབྱིན་པར་འགྱུར།། གལ་ཏེ་འཇིག་རྟེན་གྱི་ཁམས་རེ་རེར་སེམས་ཅན་རེ་རེས་སྒྲ་དེ
272a2 ཐོས་པར་གྱུར་ན་ཡང་། དེ་བཞིན་གཤེགས་པས་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་གསུང་གིས་གོ་བར་མཛད་ཅེས་བརྗོད་དོ།། ཅིའི་ཕྱིར་བཅོམ་ལྡན་འདས་མངོན་པར་རྫོགས
272a3 པར་སངས་རྒྱས་ནས། རིང་པོ་མ་ལོན་པར་སེམས་ཅན་རྣམས་ལ་ཐུགས་རྗེ་ཆེན་པོ་འཇུག་ཅེ་ན། སྨྲས་པ། ཉོན་མོངས་པས་སྨད་ཅིང་ཉོན་མོངས་པས་གཟིར་ཏེ། ཉོན་མོངས་པ་རྣམ་པ་སྣ
272a4 ཚོགས་ཀྱིས་གནོད་པར་བྱས་ལ། སྐྱོབ་པ་མེད་པ་དང་། སྐྱབས་མེད་པ་དང་། དཔུང་གཉེན་མེད་པར་གཟིགས་པའི་ཕྱིར་ཏེ། རྒྱུ་དེས་ན་བཅོམ་ལྡན་འདས་མངོན་པར་རྫོགས་པར་སངས་རྒྱས
272a5 ནས། སེམས་ཅན་རྣམས་ལ་ཐུགས་རྗེ་ཆེན་པོ་འཇུག་གོ།། ཅིའི་ཕྱིར་བྱང་ཆུབ་སེམས་དཔའ་བྱམས་པའི་སྙོམས་པར་ཞུགས་པའི་ལུས་ལ་མེ་དང་། མཚོན་དང་། དུག་དང་། ཆུས་མི་ཚུགས
272a6 ཤིང་བར་མ་དོར་འཆི་བ་མེད་ཅེ་ན། སྨྲས་པ། གནོད་པ་ལ་མི་དགའ་བའི་ཏིང་ངེ་འཛིན་ཡིན་པའི་ཕྱིར། ཏིང་ངེ་འཛིན་དེ་ལ་སྙོམས་པར་ཞུགས་པ་ནི། གནོད་པའི་རེག་པས་གནོད་པར་མི་འགྱུར།
272a7 བ་དང་། མི་འདྲ་བའི་སེམས་ཀྱིས་འཆི་བའི་དུས་བྱེད་པ་མེད་དེ། རྒྱུ་དེས་ན་བྱམས་པའི་སྙོམས་པར་ཞུགས་པའི་ལུས་ལ། མེ་དང་། མཚོན་དང་། དུག་དང་། ཆུས་མི་ཚུགས་ཤིང་བར་མ་དོར་འཚོ
iiif viewer powered by OpenSeadragon
