| e-texts navigator |
| Wylie |
270b1 བཀུར་བྱ་བའི་ཕྱིར་ཐད་དུ་འགྲོ་བ་མེད་པའི་ཕྱིར་རོ། ། དེ་བས་ན་སངས་རྒྱས་རྣམས་དང་། རང་སངས་རྒྱས་རྣམས་དུས་གཅིག་ཏུ་ཕྲད་པར་མི་འགྱུར་རོ།། ཅིའི་ཕྱིར་དུས་གཅིག་ཏུ་འཁོར་ལོ
270b2 སྒྱུར་བའི་རྒྱལ་པོ་གཉིས་འཇིག་རྟེན་དུ་མི་འབྱུང་ཞེ་ན། སྨྲས་པ། འཁོར་ལོ་སྒྱུར་བའི་རྒྱལ་པོས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། ཡུན་རིང་པོ་ནས་གདུགས་གཅིག་པ་ཐོབ
270b3 པར་འགྱུར་བའི་ལས་རྣམས་བྱས་ཤིང་བསགས་པ་དང་། རྒྱལ་སྲིད་གཅིག་པ་ཐོབ་པའི་ལས་རྣམས་དང་། རྒྱལ་ཚ་བ་གཅིག་པ་ཐོབ་པར་འགྱུར་བའི་ལས་རྣམས་དང་། འཁོར་ལོ་སྒྱུར
270b4 བ་གཅིག་པ་ཐོབ་པར་འགྱུར་བའི་ལས་རྣམས་དང་། རྒྱལ་ཕྲན་དུ་བཀུར་བ་རྣམས་ཀྱིས་བཀུར་བར་འོས་པ་གཅིག་པར་འགྱུར་བའི་ལས་རྣམས་བྱས་ཤིང་བསགས་པས། དེའི་ཚེ་འཁོར་ལོ
270b5 སྒྱུར་བ་གཉིས་པ་སྐྱེ་བར་འགྱུར་བ་རྣམ་པར་སྨིན་པའི་ལས་མངོན་དུ་ཕྱོགས་ཤིང་ཉེ་བར་འོངས་པ་མེད་དོ། ། ཅིའི་ཕྱིར་ཞེ་ན། སྨྲས་པ། དཀོན་པའི་ཕྱིར་ཏེ། དེ་བས་ན་དུས་གཅིག་ཏུ་འཁོར་ལོ་སྒྱུར
270b6 བ་གཉིས་འཇིག་རྟེན་དུ་མི་འབྱུང་ངོ་། ། ཅིའི་ཕྱིར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གཉིས་དུས་གཅིག་ཏུ་འཇིག་རྟེན་དུ་མི་འབྱུང་ཞེ་ན། སྨྲས་པ། བྱང
270b7 ཆུབ་སེམས་དཔས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། ཡུན་རིང་པོ་ནས་སྟོན་པ་གཅིག་པ་ཐོབ་པར་འགྱུར་བའི་ལས་རྣམས་བྱས་ཤིང་བསགས་པ་དང་། སྒྲོལ་བ་གཅིག
iiif viewer powered by OpenSeadragon
