| e-texts navigator |
| Wylie |
269b1 གྱི་ནི་སྐུའི་ཤ་བསྲུང་བའི་ཕྱིར་མ་ཚིག་གོ། ། ཆོས་མངོན་པའི་བསྟན་བཅོས་ཆེན་པོ་རྒྱུ་གདགས་པ་ལས་ཚིགས་ལྔ་པའོ།། སྡོམ་ནི། གཉིས་དང་རང་རྒྱལ་ཕུང་གཉིས་དང་།། བུད
269b2 མེད་གསུམ་དང་སྟོང་གསུམ་དང་། ། སྙིང་རྗེ་དང་ནི་བྱམས་པ་དང་། སེམས་མེད་གཉིས་དང་རྗེས་འབྲང་དང་།། ཕོ་ཉ་རྒལ་བ་ཐ་མ་དང་།། སེམས་ཅན་རྣམས་ལས་ཁྱད་པར་འཕགས།། གཤིན
269b3 རྗེ་དང་ནི་ས་སྲུངས་བུ། ། རབ་བརྟན་དང་ནི་དམྱལ་བ་པ།། ཅིའི་ཕྱིར་སྐྱེས་བུ་ཆེན་པོའི་མཚན་དང་ལྡན་པ་གཉིས་ཡོད་པ་ལས། གཅིག་ནི་འཁོར་ལོ་སྒྱུར་བའི་རྒྱལ་པོ་མཐའ་བཞིར་རྒྱལ་བར་འགྱུར་ལ།
269b4 གཅིག་ནི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་སུ་འགྱུར་ཞེ་ན། སྨྲས་པ།། འཁོར་ལོ་སྒྱུར་བའི་རྒྱལ་པོས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར
269b5 ཏེ། ཡུན་རིང་པོ་ནས་ཀྱེ་མ་བདག་འཁོར་ལོ་སྒྱུར་བའི་རྒྱལ་པོ་མཐའ་བཞིར་རྒྱལ་བར་གྱུར་ཅིག་ཅེས་དེ་ལྟར་སེམས་བསྐྱེད་ནས། སྦྱིན་པ་དག་བྱིན་ཞིང་བསོད་ནམས་ངག་བྱས་ཏེ། གསོ་སྦྱོང་བླངས
269b6 ནས། ཚུལ་ཁྲིམས་ཡང་དག་པར་བླངས་ཏེ་གནས་པས། དེ་ལས་དེ་དང་ཡང་དག་པར་བླངས་པ་དེ་ལྟ་བུ་དང་། ཡང་དག་པར་བཟུང་བ་དེ་ལྟ་བུ་དང་། སྨོན་ལམ་དེས་དེའི་ཚེ་དེ་ཉིད་དེའི་རྒྱུར་འགྱུར།
269b7 འཁོར་ལོ་སྒྱུར་བའི་རྒྱལ་པོ་མཐའ་བཞིར་རྒྱལ་བར་འགྱུར་རོ།། སངས་རྒྱས་བཅོམ་ལྡན་འདས་ཀྱིས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། ཡུན་རིང་པོ་ནས་ཀྱེ་མ་བདག་འཇིག
iiif viewer powered by OpenSeadragon
