| e-texts navigator |
| Wylie |
269a1 གལ་ཏེ་བཅོམ་ལྡན་འདས་ཀྱི་འོག་ཏུ་ཡོངས་སུ་མྱ་ངན་ལས་འདའ་བར་འགྱུར་ན། དེ་དག་གི་འབྲས་བུ་མེད་ཅིང་རྣམ་པར་སྨིན་པ་མེད་པར་འགྱུར་བའི་ཕྱིར་རོ།། གཞན་ཡང
269a2 སྔར་ཉན་ཐོས་བཟང་པོ་ཟུང་ཡོངས་སུ་མྱ་ངན་ལས་འདའ་ལ། དེའི་འོག་ཏུ་སངས་རྒྱས་བཅོམ་ལྡན་འདས་རྣམས་ཡོངས་སུ་མྱ་ངན་ལས་འདའ་བར་འགྱུར་བ་འདི་ནི། ཡང་དག་པར་རྫོགས་པའི
269a3 སངས་རྒྱས་གངྒཱའི་ཀླུང་གི་བྱེ་མ་སྙེད་ཀྱི་ཆོས་ཉིད་ཡིན་ནོ། ། སངས་རྒྱས་བཅོམ་ལྡན་འདས་སྨན་དང་ལྡན་པ་བསམ་གཏན་བཞི་པ་ལ་སྙོམས་པར་ཞུགས་པ་ནི་མི་གཡོ་བ་ཞི་པ་ལ་བརྟེན་ནས་ཡོངས
269a4 སུ་མྱ་ངན་ལས་འདས་སོ་ཞེས་འབྱུང་བ་དེ་ལ་ཅི་བཅོམ་ལྡན་འདས་སྙོམས་པར་ཞུགས་བཞིན་དུ་ཡོངས་སུ་མྱ་ངན་ལས་འདས་སམ། འོན་ཏེ་བཞེངས་ནས་ཡོངས་སུ་མྱ་ངན་ལས་འདས་ཤེ་ན
269a5 སྨྲས་པ། བཞེངས་ནས་བཅོམ་ལྡན་འདས་ཡོངས་སུ་མྱ་ངན་ལས་འདས་ཏེ། སྙོམས་པར་ཞུགས་བཞིན་དུ་མ་ཡིན་ནོ།། ཅིའི་ཕྱིར་བཅོམ་ལྡན་འདས་ཡོངས་སུ་མྱ་ངན་ལས་འདས
269a6 ནས་ཞུགས་ལ་གཞེན་པ་ན། ནང་དང་ཕྱི་རོལ་གྱི་ཆོས་གོས་གཉིས་མ་ཚིག་ཅེ་ན། སྨྲས་པ། ལྷའི་མཐུ་ལས་གྱུར་ཏེ། ལྷ་གང་དག་བཅོམ་ལྡན་འདས་ལ་མངོན་པར་དགའ་བ་དེ་དག་གི་མཐུ
269a7 ནི་དེ་ཡིན་ནོ། ། གཞན་ཡང་རྣམ་པ་གཉིས་བསྲུང་བའི་ཕྱིར་མ་ཚིག་སྟེ། སྐུ་གདུང་བསྲུང་བ་དང་། སྐུའི་ཤ་བསྲུང་བའི་ཕྱིར་རོ།། དེ་ལ་ནང་གི་ནི་སྐུ་གདུང་བསྲུང་བའི་ཕྱིར་མ་ཚིག་གོ།། ཕྱི་རོལ
iiif viewer powered by OpenSeadragon
