| e-texts navigator |
| Wylie |
268a1 གླིང་ཆེན་པོར་སྐྱེ་བར་འགྱུར་ཏེ། དེ་དེར་སེམས་ཅན་དབང་ཆེ་བར་གྲགས་ཤིང་། སེམས་ཅན་དབང་པོ་རྣོལ་དག་པ་རྣམས་དང་ལྷན་ཅིག་ཕྲད་པར་འགྱུར་ལ། དེ་ན་ནི་འདི་ལྟ་སྟེ
268a2 ཟག་པ་མེད་པའི་དགེ་བའི་རྩ་བ་རྣམས་གཏན་སྐྱེ་བ་མེད་པ་དང་། གཞན་ཡང་བྱང་གི་སྒྲ་མི་སྙན་གྱི་མི་རྣམས་ནི་བདག་གིར་འཛིན་པ་མེད་ཅིང་ཡོངས་སུ་འཛིན་པ་མེད་པའི་ཕྱིར་རོ།། ཅིའི་ཕྱིར་བྱང་གི།
268a3 སྒྲ་མི་སྙན་གྱི་མི་རྣམས་བདག་གིར་མི་འཛིན་ཅིང་ཡོངས་སུ་མི་འཛིན་ཅེ་ན། ཡུལ་རྣམས་མང་ལ་མཉམ་སྟེ། དེ་དག་གི་ཡུལ་ཡངས་ལ་ཡིད་དུ་འོང་བའི་ཕྱིར་རོ།། ཅིའི་ཕྱིར་བྱང་ཆུབ་སེམས
268a4 དཔའ་འདོད་པ་ན་སྤྱོད་པའི་ལྷ་རྣམས་ཀྱི་ནང་དུ་མི་སྐྱེ་ཞེ་ན། སྨྲས་པ། འདོད་པ་ན་སྤྱོད་པའི་ལྷ་རྣམས་ནི་བག་མེད་ཅིང་དགའ་བའི་ཤས་ཆེ་ལ། ཡུལ་ལ་སྤྱོད་པ་ཡིན་པས་དེ་དག་དང་བྱང་ཆུབ
268a5 སེམས་དཔའ་ལྷན་ཅིག་ཏུ་མཚུངས་མཉམ་པར་འགྱུར་དུ་འོང་བ་དང་། ཚངས་པར་སྤྱད་པ་ཕྱོགས་གཅིག་པར་འགྱུར་ཏེ། འདི་ལྟ་སྟེ། དགེ་སློང་དང་། དགེ་སློང་མ་དང་། དགེ་བསྙེན་དང་།
268a6 དགེ་བསྙེན་མའི་འཁོར་གྱི་འཁོར་བཞི་མེད་པའི་ཕྱིར་དང་། ཚངས་པར་སྤྱོད་པ་རྒྱས་ཤིང་། སྐྱེ་བོ་མང་པོ་རྒྱ་ཆེན་པོ་ནས། ལྷ་དང་མི་རྣམས་ཀྱི་བར་དུ་ཡང་དག་པར་ལེགས་པར་བསྟན་པ་ཡང
268a7 མེད་པའི་ཕྱིར་ཏེ། དེ་བས་ན་ཞེས་བྱ་བ་ནས། རྒྱས་པར་སྦྱར་རོ།། ཅིའི་ཕྱིར་བྱང་ཆུབ་སེམས་དཔའ་གཟུགས་ན་སྤྱོད་པའི་ལྷ་རྣམས་ཀྱི་ནང་ན་མི་སྐྱེ་ཞེ་ན། སྨྲས་པ། དེར་ཡོངས་སུ་མྱ་ངན་ལས
iiif viewer powered by OpenSeadragon
