| e-texts navigator |
| Wylie |
258a1 གནས་དང་། མར་མེ་བྱིན་པ་དང་། བསམ་པ་ཡངས་པས་རྣམ་པར་དག་པའི་ཆོས་དང་ལྡན་པའི་སེམས་ཅན་རྣམས་ལ་བྱ་བ་བྱས་པས་ན། ལས་དེ་དང་འཐུན་པར་ཡུམ་གྱི
258a2 ལྷུམས་ན་དེ་ལྟར་གནས་སོ། ། ཅིའི་ཕྱིར་གང་གི་ཚེ། བྱང་ཆུབ་སེམས་དཔའ་ཡུམ་གྱི་ལྷུམས་དཞུགས་པ་དེའི་ཚེ། དེ་སྐྱེད་པའི་ཡུམ་འདི་ལྟ་སྟེ། འདོད་པའི་ཡོན་ཏན་དང་ལྡན་པ་རྣམས་ཀྱིས་སྐྱེས
258a3 པ་ལ་ཡིད་མི་སེམས་ཤེ་ན། སྨྲས་པ། བྱང་ཆུབ་སེམས་དཔས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། བདག་ཉིད་ཀྱང་ཚངས་པར་སྤྱོད་པར་གྱུར་ཅིང་། ཟག་བསྲིངས་ཏེ་སྤྱོད་པ
258a4 དང་། དག་ཅིང་གཙང་ལ་དྲི་ང་བ་མེད་པ་དང་། འཁྲིག་པ་སྤངས་ཤིང་གྲོང་གི་ཆོས་དང་བྲལ་ལ། གཞན་དག་ཀྱང་ཚངས་པར་སྤྱོད་པ་ཡང་དག་པར་འཛིན་དུ་བཅུག་པས་ན། ལས་དེ་དང་འཐུན་པ་དང་།
258a5 སེམས་དེ་དང་འཐུན་པར་ཡུམ་གྱི་སེམས་ཀྱང་དེ་ལྟར་གནས་སོ།། ཅིའི་ཕྱིར་བྱང་ཆུབ་སེམས་དཔའ་གང་གི་ཚེ་ལུམ་གྱི་ལྷུམས་ན་ཞུགས་པ་དེའི་ཚེ། དེ་སྐྱེད་པའི་ཡུམ་བརྟུལ་ཞུགས་ཀྱི
258a6 གནས་ལྔ་ཡང་དག་པར་སྤངས་ཏེ། ཇི་སྲིད་འཚེའི་བར་དུ་སྲོག་གཅོད་པ་སྤངས་ནས། སྲོག་གཅོད་པ་ལས་སླར་ལོག་པར་གྱུར། མ་བྱིན་པར་ལེན་པ་དང་། མི་ཚངས་པར་སྤྱོད་པ་དང་། བརྫུན་དུ་སྨྲ་བ
258a7 དང་། འབྲུའི་ཆང་དང་། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་སྤངས་ཏེ། འབྲུའི་ཆང་དང་། བཅོས་པའི་ཆང་མྱོས་པར་འགྱུར་བ་བག་མེད་པའི་གནས་ལས་སླར་ལོག་པར་གྱུར་ཅེ་ན།
iiif viewer powered by OpenSeadragon
