| e-texts navigator |
| Wylie |
256a1 ཀླུའི་མཐུས་གཡོ་བར་འགྱུར་ཏེ། བྱང་ཆུབ་སེམས་དཔའ་དབང་ཆེ་བར་གྲགས་པའི་སེམས་ཅན་གང་གི་ཚེ། དགའ་ལྡན་གྱི་ལྷའི་རིས་ནས་ཤི་འཕོས་ཏེ། ཡུམ་གྱི་ལྷུམས
256a2 སུ་ཞུགས་པ་དེའི་ཚེ། ཆུན་གནས་པའི་ཀླུ་དབང་ཆེ་བར་གྲགས་སོ་ཅོག་གིས། བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ནས་ཤི་འཕོས་ཏེ། ཡུམ་གྱི་ལྷུམས་སུ་ཞུགས་སོ་ཞེས་ཟོས་སོ།།
256a3 ཐོས་ནས་ཀྱང་ཚིམ་ཞིང་མགུ་ལ་ཡི་རངས་ཏེ། རབ་ཏུ་དགའ་ཞིང་ཡིད་བདེ་བ་སྐྱེས་ནས། བྱང་ཆུབ་སེམས་དཔའ་ལ་བལྟ་བ་དང་། རྗེད་པར་བྱ་བའི་ཕྱིར་འོང་ཞིང་འགྲོ་བ་དང་། སྟེང་དུ་འབྱུང་སྟེ།
256a4 དེ་དག་འོང་ཞིང་འགྲོ་བ་དང་། སྟེང་དུ་འབྱུང་བས་ཆུ་འཁྲུག་པར་གྱུར་ལ། ཆུ་འཁྲུགས་པས་ས་གཡོ་བར་འགྱུར་རོ།། གཞན་ཡང་གང་གི་ཕྱིར། དེ་བཞིན་གཤེགས་པ་དགྲ་བཅོམ་པ་ཡང་དག
256a5 པར་རྫོགས་པའི་སངས་རྒྱས་སུ་འགྱུར་བས། མངོན་པར་འགྱུར་བ་དང་། དབེན་པ་ལས་སྐྱེས་པའི་དགེ་བའི་ཆོས་རྣམས་མཐོང་བར་འགྱུར་བའི་ཕྱིར། རླུང་གྱེན་དུ་ལྡང་ལ། རླུང་གྱེན་དུ་ལྡང་བས
256a6 ཆུ་འཁྲུགས་ཏེ། ས་གཡོ་བར་འགྱུར་བ་འདི་ནི་དེའི་སྔ་ལྟས་ཡིན་ནོ།། ཅིའི་ཕྱིར་གང་གི་ཆེ། བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ནས་ཤི་ཕོས་ཏེ། ཡུམ་གྱི་ལྷུམས་སུ་ཞུགས་པ
256a7 དེའི་ཚེ། འཇིག་རྟེན་ཐམས་ཅད་སྣང་བ་ཆེན་པོས་ཁྱབ་སྟེ། འཇིག་རྟེན་དག་གི་འཇིག་རྟེན་གྱི་བར་མུན་པ་མུན་ནག་ཐིབས་པོ་གང་དུ། ཉི་མ་དང་ཟླ་བ་འདི་ལྟར་རྫུ་འཕྲུལ་ཆེ་ཞིང་འདི་ལྟར་མཐུ་ཆེ
iiif viewer powered by OpenSeadragon
