| e-texts navigator |
| Wylie |
255a1 ཡིན་ནོ། ། རྒྱལ་པོ་ཆོས་དང་ལྡན་པའི་མཆོག། ཇི་ལྟར་གནོད་པ་ཆུང་བ་ལྟར།། སྟོན་པ་གྲགས་དང་ལྡན་པ་ཡང་།། དེ་བཞིན་ནད་མེད་རང་བཞིན་ཅན།། འཁོར་ལོ་སྒྱུར་བའི
255a2 རྒྱལ་པོ་ཇི་ལྟར་གཟུགས་བཟང་ཞིང་བལྟ་ན་སྡུག་ལ་མཛེས་པ་སྟེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་པ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
255a3 སངས་རྒྱས་ཀྱང་གཟུགས་བཟང་ཞིང་བལྟ་ན་སྡུག་ལ་མཛེས་པ་སྟེ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་ལྡན་ནོ།། རྒྱལ་པོ་ཆོས་དང་ལྡན་པའི་མཆོག། ཇི་ལྟར་མཛེས་པར་གྱུར་པ་ལྟར།
255a4 དེ་བཞིན་སངས་རྒྱས་བཅོམ་ལྡན་ཡང་།། གཟུགས་ཀྱི་མཚན་གྱིས་བརྒྱན་པ་ཡིན།། འཁོར་ལོ་སྒྱུར་བའི་རྒྱལ་པོ་ཇི་ལྟར་སྐྱེ་བོ་མང་པོའི་སྙིང་དུ་སྡུག་ཅིང་ཡིད་དུ་འོང་བ་དེ་བཞིན་དུ། དེ་བཞིན་གཤེགས་པ
255a5 དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱང་། སྐྱེ་བོ་མང་པོའི་སྙིང་དུ་སྡུག་ཅིང་ཡིད་དུ་འོང་ངོ་།། རྒྱལ་པོ་ཆོས་དང་ལྡན་པའི་མཆོག། ཇི་ལྟར་ཡིད་དུ་འོང་བ་ལྟར།། སྟོན་པ་བླ་མ
255a6 འཇིག་རྟེན་ན། ། ཡིད་དུ་འོང་བའི་རང་བཞིན་ཡིན།། འཁོར་ལོ་སྒྱུར་བའི་རྒྱལ་པོ་ལ་ཇི་ལྟར་བུ་སྟོང་ཡོད་དེ། དཔའ་བ། རྟུལ་བོད་པ། ཡན་ལག་མཆོག་གི་གཟུགས་དང་ལྡན་པ། ཕ་རོལ་གྱི་སྡེ
255a7 རབ་ཏུ་འཇོམས་པ་དེ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ལ་ཡང་སྲས་མང་པོ་མངའ་སྟེ། ཞུགས་པ་དང་འབྲས་བུ་ལ་གནས་པ། དཔའ་བ། རྟུལ
iiif viewer powered by OpenSeadragon
