| e-texts navigator |
| Wylie |
254a1 བཞིན། ། གོའུ་ཏ་མ་ནི་གྲགས་ལྡན་གྱི།། ཡང་དག་སྤོང་རྣམས་དེ་དང་འདྲ།། འཁོར་ལོ་སྒྱུར་བའི་རྒྱལ་པོའི་ནོར་བུ་རིན་པོ་ཆེ་ཇི་ལྟ་བ་བཞིན་དུ། དེ་བཞིན་གཤེགས
254a2 པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་ལྷའི་སྤྱན་ཡང་དེ་དང་འདྲ་བར་བལྟ་བར་བྱ་སྟེ། ལྷའི་སྤྱན་གྱིས་བཅོམ་ལྡན་འདས་ཀྱིས་གང་གི་ཚེ་བཞེད་པ་དང་། ཇི་སྙེད་བཞེད་པ་དེའི
254a3 ཚེ་དེང་དེ་སྙེད་གཟིགས་སོ། ། ཇི་ལྟར་ནོར་བུབཻ་ཌཱུཪྻ།། ཁོ་ར་ཁོར་ཡུག་སྣང་བ་བཞིན།། སངས་རྒྱས་ཀྱི་ནི་སྤུན་གྱིས་ཀྱང་།། ཁོ་ར་ཁོར་ཡུག་ཀུན་ཏུ་གཟིགས།། འཁོར་ལོ་སྒྱུར་བའི་རྒྱལ་པོའི་བུད
254a4 མེད་རིན་པོ་ཆེ་ཇི་ལྟ་བ་བཞིན་དུ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་དགའ་བ་ཡང་དག་བྱང་ཆུབ་ཀྱི་ཡན་ལག་ཀྱང་དེ་དང་འདྲ་བར་བལྟ་བར་བྱ་སྟེ། དགའ་བ
254a5 ཡང་དག་བྱང་ཆུབ་ཀྱི་ཡན་ལག་གིས། བཅོམ་ལྡན་འདས་ཀྱིས་ཉོན་མོངས་པ་ཐམས་ཅད་སྤངས་ནས། ཆོས་ཐམས་ཅད་ལ་སྒྲིབ་པ་མེད་པ་བརྙེས་སོ།། ཇི་ལྟར་རྒྱལ་པོའི་བཙུན་མོ་ནི།། ཡིད་དུ་འོང
254a6 ཞིང་བལྟ་ན་སྡུག། དེ་བཞིན་གོའུ་ཏ་མ་གྲགས་ལྡན་གྱི།། དགའ་བ་བྱང་ཆུབ་ཡན་ལག་ཡིན།། འཁོར་ལོ་སྒྱུར་བའི་རྒྱལ་པོའི་ཁྱིམ་བདག་རིན་པོ་ཆེ་ཇི་ལྟ་བ་བཞིན་དུ། དེ་བཞིན་གཤེགས་པ་དགྲ
254a7 བཅོམ་པ་ཡང་དག་པར་རྫོགས་པའི་སངས་རྒྱས་ཀྱི་རིགས་བཞི། རྒྱལ་རིགས་དང་། བྲམ་ཟེ་དང་། རྗེའུ་རིགས་དང་། དམངས་རིགས་ཀྱང་དེ་དང་འདྲ་བར་བལྟ་བར་བྱ་སྟེ། རིགས་བཞི་པོ་དག།
iiif viewer powered by OpenSeadragon
