| e-texts navigator |
| Wylie |
252b1 པོ་རིན་པོ་ཆེས་ནི་སྔོན་གྱི་སྲིད་པ་དང་། སྔོན་གྱི་གནས་དང་། སྔོན་གྱི་ལུས་དང་། སྔོན་གྱི་བདག་ཉིད་ཐོབ་པ་དང་། སྔོན་གྱི་ཚེ་རབས་གཞན་དག་དང་། འདས་པ་དང་། ཟད་པ་དང་། འགགས
252b2 པ་དང་། བྲལ་བ་དང་། རྣམ་པར་གྱུར་པ་དང་། ཡོངས་སུ་ཟད་པ་དག་ཏུ་དགེ་སྦྱོང་དང་། བྲམ་ཟེ་མཁས་ཤིང་གསལ་ལ་ཡིད་གཞུངས་པ་དང་། བྱང་ཞིང་ཤིན་ཏུ་རྟོག་པར་བྱེད་པ་གང་ཡིན།
252b3 པ་དེ་དག་གི་གདོང་དུ་སོང་ནས། བསྟེན་པ་བྱས་ཤིང་བསྙེན་བཀུར་བྱས་ཏེ། དགེ་བ་ནི་གང་ཡིན། མི་དགེ་བ་ནི་གང་ཡིན། ཁ་ན་མ་ཐོ་བ་དང་བཅས་པ་ནི་གང་ཡིན། ཁ་ན་མ་ཐོ་བ་མེད་པ་ནི་གང
252b4 ཡིན། ཅི་ཞིག་བྱས་ན་ལེགས་པར་འགྱུར་ལ་སྡིག་པར་མི་འགྱུར་ཞེས་ཡོངས་སུ་དྲི་བ་བྱས་སོ།། དེ་དག་ལས་ཐོས་ནས་ཀྱང་དེ་བཞིན་དུ་བདག་ཉིད་ཀྱིས་བསྒྲུབས་སོ།། གཞན་ཡང་བློན་པོ་རིན་པོ་ཆེ།
252b5 ནི་རྟོག་པར་བྱེད་ཅིང་། སེམས་པའི་རང་བཞིན་ཅན་དུ་གྱུར་ཏོ།། གཞན་ཡང་བློན་པོ་རིན་པོ་ཆེ་ལ་འབྲས་བུ་འམ། རྒྱུའི་སྒོ་ནས་བསྟན་པ་གང་ཡིན་པ་དག་བསྒྲལ་ཞིང་ཀུན་ཏུ་བསྒྲལ་བའི་ཕྱིར། ཤིན
252b6 ཏུ་བསྒྲིམ་པ་དྲག་པོ་ལ་ཞུགས་ཏེ། རྒྱུ་དེས་ནི་བློན་པོ་རིན་པོ་ཆེ་མཁས་ཤིང་གསལ་ལ་ཡིད་གཞུངས་པར་གྱུར་ཏོ།། དེ་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། སྔོན་ནི་བློན་པོ་རིན་པོ
252b7 ཆེས། ། མཁས་པ་རྣམས་ལ་བསྙེན་བཀུར་བྱས།། གཞན་ཡང་རྟོག་པར་བྱེད་པ་དང་།། བསྒྲུབ་ཕོད་པ་དང་ལེ་ལོ་མེད།། དེས་ན་དེ་ནི་མཁས་པར་གྱུར།། བློ་ལྡན་བརྩོན་འགྲུས་ལྡན་ལ་གསལ།།
iiif viewer powered by OpenSeadragon
