| e-texts navigator |
| Wylie |
250b1 ནས་ལྷའི་ནོར་གྱི་དོན་བསྒྲུབ་པར་འཚལ་ལོ། ། ཁྱིམ་བདགང་ལ་གྲུ་འགྲམ་དུ་ནོར་དགོས་པ་མེད་དེ། འདི་ཉིད་དུ་ང་ལ་ནོར་དགོས་སོ།། ལྷ་འོ་ན་ཆབ་གྲུ་སྡོད་དུ་སྩལ་བར་གསོལ། དེ་ནས་འཁོར་ལོ་སྒྱུར
250b2 བའི་རྒྱལ་པོས་ཆུའི་ནང་དུ་གྲུ་སྡོང་དུ་བཅུག་གོ། ། དེ་ནས་ཁྱིམ་བདག་རིན་པོ་ཆེ་སྟན་ལས་ལངས་ཏེ། བླ་གོས་ཕྲག་པ་གཅིག་ཏུ་གཟར་ནས། པུས་མོག་ལས་པའི་ལྗང་གྲུ་ནང་དུ་བཙུགས་ཏེ། ལག་པ
250b3 གཉིས་ཆུའི་ནང་བཅུག་ནས་ལྕགས་ཟངས་ཟུང་བཞི་གསེར་དངུལ་རྡུངས་སུ་བྱས་པ་དང་། རྡུངས་སུ་མ་བྱས་པས་གང་བ་ཕྱུང་ནས། འཁོར་ལོ་སྒྱུར་བའི་རྒྱལ་པོ་ལ་ཕུལ་ཏེ། ལྷ་ནོར་འདི་ལགས
250b4 ཀྱིས་འདི་ལས་ནོར་གྱི་དགོས་པ་མཛད་ནས་ལྷག་མ་འདི་ཉིད་དུ་དོར་བར་གསོལ། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། ཆར་བབ་ཡུལ་ངན་བྱུང་བ་དང་།། སོས་ཀའི་དུས་ལ་བབ
250b5 པའི་ཚེ། ། བསུ་བ་བྱས་ནས་སྦྱིན་པ་བྱིན།། སྡུག་འཕོངས་རྣམས་ནི་ཚིམ་པར་བྱེད།། ལོངས་སྤྱད་ནས་ནི་བདེ་བར་གྱུར།། དེས་ན་སློང་བ་རྣམས་ཀྱང་རངས།། ལས་ཀྱི་རྣམ་སྨིན་དེ་ཡིས་ནི།། ཚོང
250b6 དཔོན་ཕྱུག་ཅིང་ནོར་མང་ལ། ། ལྷ་ཡི་མིག་ལྡན་རྫུ་འཕྲུལ་ཆེ།། འཁོར་ལོ་སྒྱུར་བས་ཐོབ་པར་གྱུར།། ཅིའི་ཕྱིར་ཁྱིམ་བདག་རིན་པོ་ཆེ་ཕྱུག་ཅིང་ནོར་མང་ལ་ལོངས་སྤྱོད་ཆེ་སྟེ། ནོར་རྫས་མང་ཞིང་བདོག
250b7 བ་མང་ལི། ནོར་དང་། འབྲུ་དང་། མཛོད་དང་། བང་མཛོད་དང་། རྫས་དང་། ཡོ་བྱད་ཀྱི་ཚོགས་མང་བར་གྱུར་ཅེ་ན། སྨྲས་པ། ཁྱིམ་བདག་རིན་པོ་ཆེས་ནི། སྔོན་གྱི་སྲིད་པ་ཞེས་བྱ་བ་ནས།
iiif viewer powered by OpenSeadragon
