| e-texts navigator |
| Wylie |
243b1 བརྟན་གྱིས། ལྔ་རྣམས་ཀྱི་དབང་པོ་བརྒྱ་བྱིན་གྱིས་བསྒོ་བ་བཞིན་དུ་མཉན་ནས། བུ་ཐུ་བོ་གཏོང་བར་བྱེད་དོ།། གལ་ཏེ་དེ་ཆེས་སྔར་འཆི་བར་གྱུར་ན་ནི། དེའི་ཚེ་དེས་ཡང་དེའི་འོག་མ་གཏོང་བར
243b2 བྱེད་དོ། ། ཅི་སྟེ་འཁོར་ལོ་སྒྱུར་བའི་རྒྱལ་པོ་ཆེས་སྔར་འཆི་བར་གྱུར་ན་ནི། དེའི་ཚེ་གླང་པོ་རིན་པོ་ཆེ་རང་གི་གནས་སུ་འགྲོ་བར་འགྱུར་རོ།། ཅིའི་ཕྱིར་འཁོར་ལོ་སྒྱུར་བའི་རྒྱལ་པོས་རྟ་རིན་པོ་ཆེ་ཐོབ་ཅེ་ན
243b3 སྨྲས་པ། འཁོར་ལོ་སྒྱུར་བའི་རྒྱལ་པོས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། ཕ་མ་དང་། ཉེ་དུ་དང་། བླ་མ་ལྟ་བུ་རྣམས་དང་། གཞན་ཡང་དགེ་སྦྱོང་དང་། བྲམ་ཟེ་གནོད
243b4 པར་བྱ་བ་མ་ཡིན་པ་དང་། གནོད་པར་བྱ་བ་ལ་མི་དགའ་བ་གང་ཡིན་པ་དེ་དག་ལ་ཅི་རིགས་པར་བདེ་བར་སྦྱར་བ་རྣམ་པ་སྣ་ཚོགས་འདི་ལྟ་སྟེ། གླང་པོ་ཆེའི་བཞོན་པ་རྣམས་དང་། རྔའི
243b5 བཞོན་པ་རྣམས་དང་། ཤིང་རྟའི་བཞོན་པ་རྣམས་དང་། ཁྱོགས་ཀྱི་བཞོན་པ་རྣམས་དང་། སྨིག་མོའི་འཁར་བ་རྣམས་དང་། སྤུ་འཁར་རྣམས་དང་། ཁྲི་རྣམས་བྱིན་པ་དང་། སྟེ
243b6 འཆར་བཅུག་པ་དང་། གྲུ་དང་ཟམ་པ་རྣམས་དང་། ལྷམ་རྣམས་བྱིན་པ་དང་། ཀུན་ཏུ་དགའ་བར་བྱེད་པ་རྣམས་དང་། གསེར་གྱི་ཁྱོགས་རྣམས་སེམས་དགའ་བས་རང་གི་ལག་ནས
243b7 བྱིན་པ་དང་། དེ་དག་དང་གཞན་ཡང་ཡོ་བྱད་རྣམ་པ་སྣ་ཚོགས་ཅི་རིགས་པར་བྱིན་ཏེ། རྒྱུ་དེས་ན་འཁོར་ལོ་སྒྱུར་བའི་རྒྱལ་པོས་རྟ་རིན་པོ་ཆེ་ཐོབ་བོ།། རྟ་རིན་པོ་ཆེ་དེ་ཡང་ཐམས་ཅད་སྔོ་ལ་མགོ
iiif viewer powered by OpenSeadragon
