| e-texts navigator |
| Wylie |
242b1 པོ་ཆེས་ཉིན་གཅིག་གིས་བརྡ་ཐམས་ཅད་ལོབས་སོ། ། དེ་ནས་གླང་པོ་ཆེའི་འདུལ་སྦྱོང་མཁན་ལེགས་འགྲོས་གླང་པོ་རིན་པོ་ཆེ་ཤིན་ཏུ་དུལ་བར་རིག་ནས། འཁོར་ལོ་སྒྱུར་བའི་རྒྱལ་པོ་ག་ལ་བ་དེར་ངོ
242b2 སྟེ་ཕྱིན་ནས། འཁོར་ལོ་སྒྱུར་བའི་རྒྱལ་པོ་ལ་འདི་སྐད་ཅེས་གསོལ་ཏོ།། ལྷ་མཁྱེན་པར་མཛད་དུ་གསོལ། ལྷའི་གླང་པོ་རིན་པོ་ཆེ་བདག་གིས་བཏུལ་ལགས་ཀྱིས། ལྷས་གང་གི་དུས་ལ་བབ
242b3 པར་མཁྱེན་པ་བཞིན་དུ་མཛད་དུ་གསོལ། དེ་ནས་འཁོར་ལོ་སྒྱུར་བའི་རྒྱལ་པོས་གླང་པོ་རིན་པོ་ཆེ་དེ་སད་པར་འདོད་དེ་ཉི་མ་འཆར་ཀའི་ཚེ། གླང་པོ་རིན་པོ་ཆེ་ལ་ཞོན་ནས། ས་ཆེན་པོའི་རྒྱ
242b4 མཚེའི་མཐར་ཐུག་པ་འདི་བསྐོར་ཏེ། རྒྱལ་པོའི་ཕོ་བྲང་དེ་ཉིད་དུ་འོངས་ནས། ཁྱེའུ་སུས་ཟའོ།། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། བདེ་བའི་བཞོན་པ་བྱིན་པ་དང་།
242b5 བཞོན་པ་མང་པོ་བྱིན་པ་དང་།། གླང་པོ་རིན་ཆེན་མང་དང་ཁྱོགས།། སྨིག་འཁར་སྤ་མཁར་ཁྲི་རྣམས་དང་།། སྟེགས་ཀྱང་འདོགས་སུ་བཅུག་པ་དང་།། གྲུ་དང་ཟམ་པ་རྣམས་དང་ནི།། ལྷམ་རྣམས
242b6 ཀྱང་ནི་བྱིན་པ་དང་། ། ཀུན་ཏུ་དགའ་བ་སྣ་ཚོགས་བྱིན།། དེས་ན་རྒྱལ་པོས་གླང་པོ་ཆེ།། ཡན་ལག་བདུན་པོ་ལེགས་གནས་ཐོབ།། གླང་པོ་རིན་པོ་ཆེ་དེག་ལས་འོངས་ཤེ་ན།། སྨྲས་པ། བྱང་བྱོག།
242b7 ན་གསེར་གྱི་བྲག་ལཱ་མ་ཡིན་གྱི་ངོས་ཞེས་བྱ་བ་བྱ་སྐྱིབས་སུ་འདུག་པ། ཆུར་དཔག་ཚད་ལྔ་བཅུ། ཞེང་དུ་དཔག་ཚད་བཅུ། མཐའ་སྐོར་དུ་དཔག་ཚད་བརྒྱ་ལྔ་བཅུ། འཕང་དུ་དཔག་ཚད་ཕྱེད་དང་ངནི་ཡང
iiif viewer powered by OpenSeadragon
