| e-texts navigator |
| Wylie |
242a1 ཤིང་རྟའི་བཞོན་པ་རྣམས་དང་། ཁྱོགས་ཀྱི་བཞོན་པ་རྣམས་དང་། སྨིག་མའི་འཁར་བ་རྣམས་དང་། སྤ་འཁར་རྣམས་དང་། ཁྲི་རྣམས་བྱིན་པ་དང་།། སྟེགས་འཆར
242a2 བཅུག་པ་དང་། གྲུ་དང་ཟམ་པ་རྣམས་དང་། ལྷྭམ་རྣམས་བྱིན་པ་དང་། དེ་དག་ངང་གཞན་ཡང་བདེ་བའི་བཞོན་པ་རྣམ་པ་སྣ་ཚོགས་བྱིན་ཏེ། རྒྱུ་དེས་ན་འཁོར་ལོ་སྒྱུར་བའི་རྒྱལ་པོས་གླང་པོ་རིན་པོ་ཆེ
242a3 ཐོབ་བོ། ། གླང་པོ་རིན་པོ་ཆེ་དེ་ཡང་མེ་ཏོག་ཀུ་མུ་ཏའི་མདོག་ལྟར་ཐལ་ཀར་དུ་འདུག་པ། ཡན་ལག་བདུན་ལེགས་པར་གནས་པ་སྟེ། གླང་པོ་ཆེའི་རྒྱལ་པོ་བསྙེན་གནས་ཞེས་བྱའོ།། དེ་འཁོར་ལོ
242a4 སྒྱུར་བའི་རྒྱལ་པོས་མཐོང་ནས་སེམས་དགའ་སྟེ། གླང་པོ་རིན་པོ་ཆེ་འདི་ནི་བཟང་སྟེ། ལན་ཅིག་གིས་དུལ་བར་འགྱུར་རོ་སྙམ་མོ།། དེ་ནས་འཁོར་ལོ་སྒྱུར་བའི་རྒྱལ་པོས་གླང་པོ་ཆེའི་འདུལ་སྦྱོང
242a5 མཁན་ལེགས་འགྲོ་ཕོ་ཉས་བཀུག་ནས། གླང་པོ་ཆེའི་འདུལ་སྦྱོང་མཁན་ལེགས་འགྲོ་ལ་བསྒོ་བ། ལེགས་འགྲོ་ཤེས་པར་གྱིས་ཤིག། གླང་པོ་རིན་པོ་ཆེ་བཟང་པོ་འདི་མྱུར་དུ་འདུལ་སྦྱོང་བྱོས་ལ
242a6 འོན་ཅིག། དེ་ནས་གླང་པོ་ཆེའི་འདུལ་སྦྱོང་མཁན་ལེགས་འགྲོས། ལྷ་བཀའ་བཞིན་འཚལ་ཞེས་བྱས་ནས། འཁོར་ལོ་སྒྱུར་བའི་རྒྱལ་པོས་བསྒོ་བ་བཞིན་དུ་མཉན་ཏེ། གླང་པོ་རིན་པོ་ཆེའི་བརྡ
242a7 རྣམས་སློབ་ཏུ་བཅུག་ནས། ཉི་མ་གཅིག་གིས་བརྡ་ཐམས་ཅད་ལོབས་ཏེ། དཔེར་ན་དེ་མ་ཡིན་པའི་གླང་པོ་ཆེ་རྣམས་ལོ་དུ་མ་ལོ་བརྒྱ་ཕྲག་དུ་མས་བརྡ་རྣམས་ལོབས་པ་དེ་བཞིན་དུ། གླང་པོ་རིན
iiif viewer powered by OpenSeadragon
