| e-texts navigator |
| Wylie |
241a1 པར་མི་བྱེད་དེ། ། དེ་ནས་ཆད་པ་མེད་པ་དང་།། འཐུན་པས་ལེགས་པར་འདུལ་བར་འགྱུར།། ། རྒྱུ་གདགས་པ་བམ་པོ་གསུམ་པ།
241a2 འཁོར་ལོ་རིན་པོ་ཆེ་དེ་དགག་ལས་འོངས་ཤེ་ན། སྨྲས་པ། གང་གི་ཚེ་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་དེའི་ཚེ། ལྔ་རྣམས་ཀྱི་དབང་པོ་བརྒྱ་བྱིན་གྱིས། ལྔའི་བུ་ལས་ཐམས
241a3 ཅད་ལ་བསྒོ་བ། ལས་ཐམས་ཅད་པ་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་ཤེས་པར་གྱིས་ལ། དེའི་ལྷའི་འཁོར་ལོ་རིན་པོ་ཆེ་མངོན་པར་སྤྲུལ་པར་གྱིས་ཤོག། དེ་ནས་ལྷའི་བུ་ལས
241a4 ཐམས་ཅད་པས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བསྒོ་བ་བཞིན་དུ་མཉན་ཏེ། ལྷའི་འཁོར་ལོ་རིན་པོ་ཆེ་རྩིབས་སྟོང་པ་ལྟེ་བ་དང་བཅས། མུ་ཁྱུད་དང་བཅས་པ། རྣམ་པ་ཐམས་ཅད་ཡོངས
241a5 སུ་རྫོགས་པ། དག་པ། བཟང་བ། མཁན་བཟོས་མ་བྱས་པ། ལྷ་རྫས་རིལ་གྱིས་གསེར་ལས་གྲུབ་པ་མངོན་པར་སྤྲུལ་ཏོ།། དེ་ནས་ལྷའི་བུ་ལས་ཐམས་ཅད་པས་ལྷའི་འཁོར་ལོ་རིན་པོ་ཆེ
241a6 མངོན་པར་སྤྲུལ་ནས། རྒྱལ་པོ་ཆེན་པོ་བཞི་ལ་བསྒོ་བ། གྲོགས་པོ་དག་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་ཤེས་པར་གྱིས་ལ། དེའི་ལྷའི་འཁོར་ལོ་རིན་པོ་ཆེ་སྐུར་ཅིག། དེ་ནས
241a7 རྒྱལ་པོ་ཆེན་པོ་བཞིས་ལྷའི་བུ་ལས་ཐམས་ཅད་པས་བསྒོ་བ་བཞིན་དུ་མཉན་ཏེ། ཞོ་ཤེས་འཚོ་བ་རྣམས་ལ་བསྒོ་བ། གྲོགས་པོ་དག་འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་བ་ཤེས་པར
iiif viewer powered by OpenSeadragon
