| e-texts navigator |
| Wylie |
236a1 གཙོ་བོ་དག་དེ་བས་ན་རང་རང་གི་ཡུལ་འཁོར་ཇི་ལྟ་བ་བཞིན་དུ་ཆོས་དང་འཐུན་པར་ལེགས་པར་ཐུལ་ཅིག། ཆོས་མ་ཡིན་པས་མ་བྱེད་ཅིག། ཡུལ་འཁོར་འདིར་ཆོས
236a2 མ་ཡིན་པ་སྤྱོད་པ་དང་། འགལ་བར་བྱེད་པ་སུ་ཡང་གནས་སུ་མ་གཞུག་ཅིག། དེ་ལྟར་བྱེད་དང་ཁྱེད་ངའི་ཞམ་རིང་བ་བྱེད་པ་ཡིན་ནོ་ཞེས་བསྒོའོ།། དེ་ནས་ལྷའི་འཁོར་ལོ་རིན་པོ་ཆེ་ཤར་ཕྱོགས
236a3 ལེགས་པར་ཕ་བ་སྟེ། ཤར་ཕྱོགས་ཀྱི་རྒྱ་མཚོ་ཆེན་པོ་ལས་བརྒལ་ན་ས། ལྷོ་ཕྱོགས་དང་། ནུབ་ཕྱོགས་དང་། བྱང་ཕྱོགས་ནས། རྒྱས་པར་རྒྱལ་པོའི་ཕོ་བྲང་དེ་ཉིད་ཀྱི་བར་དུ་འོངས་ཏེ
236a4 གདན་ཚིམ་པའི་སྟེང་ན་སྲོག་ཤིང་ལ་བཞག་པ་བཞིན་དུ་གནས་སོ། ། དེ་ལ་འཁོར་ལོ་སྒྱུར་བའི་རྒྱལ་པོ་གང་གི་དངུལ་གྱི་འཁོར་ལོ་འབྱུང་བར་འགྱུར་བའི་འཁོར་ལོ་སྒྱུར་བའི་རྒྱལ་པོ་དེས་ནི་སྔོན་གྱི་སྲིད་པ་ཞེས
236a5 བྱ་བ་ནས། རྒྱས་པར་སྦྱར་ཏེ། བདག་ཉིད་ཀྱིས་ཀྱང་དགེ་བ་བཅུའི་ལས་ཀྱི་ལམ་ཡང་དག་པར་བླངས་ཏེ་གནས་ལ། གཞན་དག་ཀྱང་དགེ་བ་བཅུའི་ལས་ཀྱི་ལམ་ཡང་དག་པར་འཛིན་དུ་བཅུག
236a6 པས་ན། དེ་ལ་ཡང་སྔ་མ་བཞིན་དུ་གསོ་སྦྱོང་གི་དུས་ཚེས་བཅོ་ལྔ་དེ་ཉིད་ཀྱི་ཚེ། ཁྲུས་བྱས་ནས་གསོ་སྦྱོང་བླངས་ཏེ། བློན་པོའི་ཚོགས་ཀྱིས་བསྐོར་བ་ན་ཉི་མ་འཆར་ཀའི་ཚེ། ཤར་ཕྱོགས་ནས
236a7 ལྷའི་འཁོར་ལོ་རིན་པོ་ཆེ་རྩིབས་སྟོང་པ་ལྟེ་བ་དང་བཅས། མུ་ཁྲུད་དང་བཅས་པ་དག་ཅིང་གཙང་ལ་མཁན་བཟོས་མ་བྱས་པ། ལྷ་རྫས་རིལ་གྱིས་དངུལ་ལས་གྲུབ་པ་འབུང་བར་འགྱུར་ཏེ། དེར་རྒྱལ
iiif viewer powered by OpenSeadragon
