| e-texts navigator |
| Wylie |
235b1 ལོགས་སུ་ཕུལ་ནས། འདི་སྐད་དུ་འཁོར་ལོ་རིན་པོ་ཆེ་སྔོན་གྱི་འཕགས་པ་འཁོར་ལོས་སྒྱུར་བའི་ལམ་གང་ཡིན་པ་ལས་རྣམ་པར་རྒྱལ་བར་གྱིས་ཤིག། ཀྱེ་འཁོར་ལོ་རིན་པོ་ཆེ་སྔོན་གྱི
235b2 འཕགས་པ་འཁོར་ལོ་སྒྱུར་བའི་ལམ་གང་ཡིན་པ་ལས་རྣམ་པར་རྒྱལ་བར་གྱིས་ཤིག། རྣམ་པར་རྒྱལ་བར་གྱིས་ཤིག་ཅེས་བྱས་ན་ལྷའི་འཁོར་ལོ་རིན་པོ་ཆེ་སྔོན་གྱི་འཁོར་ལོ་སྒྱུར་བའི་ལམ
235b3 གང་ཡིན་པར་འགྲོ་བར་འགྱུར་རོ། ། འཁོར་ལོ་སྒྱུར་བའི་རྒྱལ་པོ་ཡང་དཔུང་གི་ཚོགས་ཡན་ལག་བཞི་པ་དང་ལྷན་ཅིག་ཏུ་ལྷའི་འཁོར་ལོ་རིན་པོ་ཆེ་དེའི་ཕྱི་བཞིན་དུ་འགྲོ་བར་འགྱུར་ལ། ལྷའི་འཁོར
235b4 ལོ་རིན་པོ་ཆེ་ཕྱོགས་གང་དུ་སྡོད་པ་དེར་འཁོར་ལོ་སྒྱུར་བའི་རྒྱལ་པོ་དཔུང་གི་ཚིགས་ཡན་ལག་བཞི་པ་དང་ལྷན་ཅིག་ཏུ་མཚན་མོའི་དགོངས་མལ་འདེབས་སོ། ། ཤར་ཕྱོགས་ཀྱི་རྒྱལ་ཕྲན་རྣམས
235b5 ཀྱིས་ཀྱང་། འཁོར་ལོ་སྒྱུར་བའི་རྒྱལ་པོ་གཤེགས་སོ་ཞེས་ཐོས་སོ།། ཐོས་ནས་ཀྱང་མཆོད་ཡོན་ཁྱེར་ནས། འཁོར་ལོ་སྒྱུར་བའི་རྒྱལ་པོ་ག་ལ་བ་དེར་དོང་སྟེ་ལྷགས་ནས། འདི་སྐད་དུ
235b6 ལྷ་ཚུར་གཤེགས། ལྷ་གཤེགས་པ་ལེགས་སོ།། ཡུལ་འདི་དག་ནི་ལྷའི་ལགས་ཏེ། འབྱོར་པ་དང་། རྒྱས་པ་དང་། བདེ་བ་དང་། ལོ་ལེགས་པ་དང་། སྐྱེ་བོ་དང་། མི་མང་པོས
235b7 གང་བ་ལགས་ཀྱིས། འདི་དག་ལྷས་ལེགས་པར་གདུལ་དུ་གསོལ། བདག་ཅག་ནི་ལྷའི་ཞམ་རིང་འཚལ་ལོ་ཞེས་འཛེར་ཏོ།། འཁོར་ལོ་སྒྱུར་བའི་རྒྱལ་པོས་ཀྱང་དེ་དག་ལ་འདི་སྐད་ཅེས་ཡུལ་གྱི
iiif viewer powered by OpenSeadragon
