| e-texts navigator |
| Wylie |
231b1 སྐྱེས་པ་དེ། དག་ཅིང་དཀར་ལ་སྡུག་ཅིང་བཟང་བ་དང་།། མཛེས་ཤིང་དུང་གི་མདོག་དང་འདྲ་བ་སྟེ།། བསྔགས་པར་འོས་པ་རྣམས་ཀྱིས་བསྔགས་པ་ནི།། བདེན་པར་དུས་སུ་དེ་བཞིན་རིགས།
231b2 པབཔར་བརྗོད།། ལས་དགེ་བདེ་བ་སྐྱེད་པར་བྱེད་པ་འདི།། ཚེ་རབས་གཞན་དག་ཏུ་ནི་སྟོན་པས་མཛད།། ལས་ཀྱི་རྣམ་པར་སྨིན་པ་དེ་ཡིས་ན།། སྨིན་མཚམས་སུ་ནི་མཛོད་སྤུ་སྐྱེས་པར་གྱུར།།
231b3 ཆོས་མངོན་པ་གདགས་པའི་བསྟན་བཅོས་རྒྱུ་གདགས་པ་ལས་མཚན་གྱི་ཕུང་པོ་ཞེས་བྱ་བ་ཕུང་པོ་དང་པོ་རྫོགས་སོ།། །། གླེང་གཞི་མཉན་དུ་ཡོད་པ་ན་སྟེ། དགེ་སློང་དག།
231b4 འཁོར་ལོ་སྒྱུར་བའི་རྒྱལ་པོ་འཇིག་རྟེན་དུ་བྱུང་ན། རིན་པོ་ཆེ་སྣ་བདུན་འཇིག་རྟེན་དུ་འབྱུང་བར་འགྱུར་ཏེ། བདུན་གང་ཞེ་ན། འདི་ལྟ་སྟེ། འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་།
231b5 རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བདུན་པ་སྟེ་བློན་པོ་རིན་པོ་ཆེའོ།། དགེ་སློང་དག་དེ་ལྟར་ན་འཁོར་ལོ་སྒྱུར་བའི་རྒྱལ་པོ་འཇིག་རྟེན
231b6 དུ་བྱུང་ན། རིན་པོ་ཆེ་སྣ་བདུན་དེ་ལྟ་བུ་དག་འཇིག་རྟེན་དུ་འབྱུང་བར་འགྱུར་རོ།། དགེ་སློང་དག་དེ་བཞིན་དུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འཇིག་རྟེན་དུ
231b7 བྱུང་ན། བྱང་ཆུབ་ཀྱི་ཡན་ལག་རིན་པོ་ཆེ་བདུན་འཇིག་རྟེན་དུ་འབྱུང་བར་འགྱུར་ཏེ། བདུན་གང་ཞེ་ན། དྲན་པ་ཡང་དག་བྱང་ཆུབ་ཀྱི་ཡན་ལག་རིན་པོ་ཆེ་དང་། ཆོས་རྣམ་པར་འབྱེད་པ་དང་།
iiif viewer powered by OpenSeadragon
