| e-texts navigator |
| Wylie |
227b1 བྱེད། བཀུར་སྟི་བྱེད། བླ་མར་བྱེད་ཅེས་བྱ་བའི་བར་དུ་རྒྱས་པར་སྦྱར་ཏེ། འདི་ནི་དེའི་སྔ་ལྟས་ཡིན་ནོ།། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། གང་ཆེ་རྒྱལ་བར་བུ་ནི་གཙུག་རྟོ
227b2 ལྡན། ། ལྗགས་ཀྱང་རིང་ཞིང་སྲབ་པ་གང་ལས་གྱུར།། སྲོག་ཆགས་མ་བསད་མ་བྱིན་མ་བླངས་དང་།། འདོད་ལ་ལོག་པར་མ་སྤྱད་བརྫུན་མ་བྱས།། ཆང་བཏུང་བ་ཡང་རྟག་ཏུ་སྤངས་བྱས་ནས།
227b3 མང་པོ་གཞན་རྣམས་ཀྱང་ནི་དེ་ལ་བཙུད།། ལས་དགེ་བདེ་བ་སྐྱེད་པར་བྱེད་པ་འདི།། ཚེ་རབས་གཞན་དག་ཏུ་ནི་སྟོན་པས་མཛད།། ལས་ཀྱི་རྣམ་སྨིན་དེས་ན་རྒྱལ་བ་ཡི།། ལྗགས་ཀྱང་རིང་ཞིང
227b4 སྲབ་ལ་གཙུག་ཏོར་ལྡན། ། ཅིའི་ཕྱིར་བྱང་ཆུབ་སེམས་དཔས་སྐྱེས་བུ་ཆེན་པོའི་མཚན་ཚངས་པའི་དབྱངས་ཐོབ་ཅེ་ན། སྨྲས་པ། བྱང་ཆུབ་སེམས་དཔས་ནི་སྔོན་གྱི་སྲིད་པ་ཞེས་བྱ་བ
227b5 ནས། རྒྱས་པར་སྦྱར་ཏེ། ཚིག་རྩུབ་པོ་སྤངས་ནས། ཚིག་རྩུབ་པོ་ལས་ཕྱིར་ལོག་སྟེ། དེ་ཞེ་གཅོད་པའི་ཚིག་རྩུབ་པོ་དང་། གཞན་གྱིས་མི་བཟོད་པ་དང་། གཞན་ཚིག་པ་ཟ་བར་འགྱུར་བ
227b6 དང་། སྐྱེ་བོ་མང་པོ་མི་འདོད་པ་དང་། སྐྱེ་བོ་མང་པོ་ཡིད་དུ་མི་འཐད་པ་དང་། སྐྱེ་བོ་མང་པོ་མི་དགའ་བ་དང་། སྐྱེ་བོ་མང་པོའི་ཡིད་དུ་མི་འོང་བ་དང་། མཉམ་པར་གཞག་པ་མ་ཡིན་པ་དང
227b7 ཏིང་ངེ་འཛིན་དུ་མི་འགྱུར་བ་གང་ཡིན་པ་དེ་ལྟ་བུའི་ཚིག་རྣམས་སྤངས་ནས། ཚིག་སྙན་པ་དང་། རྣར་སྙན་པ་དང་། ཡིད་ལ་འབབ་པ་དང་། དགའ་བར་བྱེད་པ་དང་། ཕོ་བྲང་འཁོར་གྱི་སྐད་དང་།
iiif viewer powered by OpenSeadragon
