| e-texts navigator |
| Wylie |
222a1 དང་། བསམ་གཏན་དང་། རྣམ་པར་ཐར་པ་དང་། ཏིང་ངེ་འཛིན་དང་། སྙོམས་པར་འཇུག་པ་དང་། ཡིད་ལ་བྱེད་པའི་ཁྱད་པར་མཐོ་བར་འགྱུར་བ་དང་། བཀུར་སྟི་བྱེད།
222a2 བླ་མར་བྱེད་ཅེས་བྱ་བའི་བར་དུ་རྒྱས་པར་སྦྱར་ཏེ། འདི་ནི་དེའི་སྔ་ལྟས་ཡིན་ནོ།། འདི་ལ་ཆོས་ཉིད་ནི་འདི་ཡིན་ཏེ། དེ་ལ་འདི་སྐད་ཅེས་བྱའོ།། ལོ་གྲངས་དྲུག་ཅུ་ལོན་པའི་གླང་པོ་ལྟར།། སྔ་ན་གང་གི
222a3 བདུན་ནི་མཐོ་བར་གྱུར། ། ལག་པ་རྐང་པ་དེ་བཞིན་ཐལ་གོང་དང་། ལྷག་པར་གང་གིས་མཚན་རྣམས་བྱུང་བར་གྱུར།། དེས་ནི་སྔོན་གྱི་སྐྱེ་བར་སྦྱིན་པ་སྦྱིན།། དགེ་སྦྱོང་རྣམས་དང་དེ་བཞིན་བྲམ་ཟེ་ལ
222a4 དགབ་པ་དང་ནི་སྐོམ་དང་ཟས་མང་བྱིན། ། དེ་བཞིན་འགྲོན་དང་སློང་དང་སྡུག་ཕོངས་ལ།། ཟས་དང་སྐོམ་དང་དེ་བཞིན་གོས་རྣམས་དང་། སྤོས་དང་མེ་ཏོག་འཕྲེང་དང་བྱུག་པ་དང་།། བདུག་སྤོས་ཕྱེ་མ
222a5 དེ་བཞིན་རོལ་མོའི་སྒྲ། ། མར་མེ་དག་དང་གནས་དང་མལ་ཆ་བྱིན།། ལས་དགེ་བདེ་བ་སྐྱེད་པར་བྱེད་པ་འདི།། ཚེ་རབས་གཞན་དག་ཏུ་ནི་སྟོན་པས་མཛད།། ལས་ཀྱི་རྣམ་པར་སྨིན་པ་དེ་ཡིས་ན།།
222a6 བཅོམ་ལྡན་དེ་ཡི་བདུན་ནི་མཐོ་བར་གྱུར།། ཅིའི་ཕྱིར་བྱང་ཆུབ་སེམས་དཔས་སྐྱེས་བུ་ཆེན་པོའི་མཚན་རོ་སྟོད་སེང་གེའི་འདྲ་བ་དང་།། ཐལ་གོང་རྒྱས་པ་དང་།། དཔུང་མགོ་ཤིན
222a7 ཏུ་ཟླུམ་པ་གསུམ་ཐོབ་ཅེ་ན། སྨྲས་པ། བྱང་ཆུབ་སེམས་དཔས་ནི་སྔོན་གྱི་སྲིད་པ་ཞེས་བྱ་བ་ནས། རྒྱས་པར་སྦྱར་ཏེ། ནན་གྱིས་འཛིན་པར་མི་བྱེད་པ་དང་། མཆོག་ཏུ་འཛིན་པ་མེད་པ་དང
iiif viewer powered by OpenSeadragon
